1 En nou ek, Moroni, het die woorde geskryf wat my gebied is, volgens my geheue; en ek het julle die dinge vertel wat ek verseël het; daarom raak hulle nie aan met die doel dat julle mag vertaal nie; want daardie ding is julle verbied, tensy dit weldra wysheid sal wees in God.

2 En kyk, jy mag bevoorreg wees dat jy die plate mag toon aan diegene wat sal help om hierdie werk te voorskyn te bring.

3 En aan drie sal hulle getoon word deur die krag van God; daarom sal hulle vir seker weet dat hierdie dinge waar is.

4 En in die mond van drie getuies sal hierdie dinge bevestig word; en die getuienis van drie, en hierdie werk, waarin die krag van God getoon sal word en ook sy woord, waarvan die Vader, en die Seun, en die Heilige Gees getuienis lewer—en dit alles sal staan as ’n getuienis teen die wêreld op die laaste dag.

5 En as dit so is dat hulle bekeer en kom na die Vader in die Naam van Jesus, sal hulle ontvang word in die koninkryk van God.

6 En nou, as ek geen gesag het aangaande hierdie dinge nie, oordeel julle; want julle sal weet dat ek gesag het wanneer julle my sal sien, en ons sal staan voor God op die laaste dag. Amen.