Hun Chan Pʼít Cambal Tu Yoʼolal
U Libroil Mormon

Teʼ tu pach u yáx hoja u Libroil Mormonoʼ tiʼ cu yaʼalaʼal óxpʼé l u laminaoʼobil tuʼux dzíbtaanoʼ letiʼoʼob lelaʼ:

1. U laminaoʼob Nefi, heʼebix u tsolic le librooʼ caʼapʼél u formaʼoʼobil: caʼachiʼ yáx humpʼéleʼ nucuch laminaoʼob, u caʼapʼéleʼ letiʼ le meheʼntac laminaoʼoboʼ. Le yáxoʼoboʼ tiʼ dzíbtaan le tsicbaliloʼob mixbaʼal yan yil yétel Dios; teʼ tún tu caʼapʼéloʼ tiʼ dzíbtaan sagrado baʼaloʼob.

2. Le u laminaoʼob Mormonoʼ, le tuʼux dzíbtaan tumen Mormon le baʼax yan tu laminaoʼobil Nefi yétel yaʼabach baʼaxoʼob cu yaʼalaʼal tu yoʼolaloʼ yétel u yalab yétel tsicbalil le baʼax úch chén tiʼ letiʼ yétel ulak baʼaloʼob dzíbtaan tumen Moroni, u pal Mormon.

3. Le u laminaoʼobil Eteroʼ, letiʼ le tuʼux yan u tsicbalil le u palaloʼob Jaredoʼ. Moronieʼ tu hoʼsah hun hats le tsicbaloʼobaʼ. Ca tu dzah xan ichileʼ ulʼak baʼaxoʼob. Heʼebix u tucul letiʼeʼ ca tu dzíbtah yétel tulácal le dzíbtaan tsicbaloʼ, beyoʼ u kabaʼeʼ, u libroil Eter. Yétel xan le heʼeloʼobaʼ, heʼel u páhtal u dzaʼabal ulak dzeʼedzec laminaoʼob xaneʼ letiʼ le cu yaʼalaʼal yaʼab ichil u Libroil Mormon, letiʼ lelaʼ:

4. U laminaoʼob de bronce de Laban, tu tasah Lehi desde Jerusalen, yan tiʼeʼ u tsoʼolil u tataoʼob yétel u sagrado dzíboʼob le Hebreooboʼ. Yaʼab tiʼoʼob cu caxtaal tiʼ u dzíbtaan tsicbalil u palal Nefi.

Le u Libroil Mormonoʼ yan quiʼnce hatsoʼob tiʼ. Cu yaʼalaʼal tiʼ huhumpʼélileʼ libro xan, le libroʼoboʼ cu chʼaʼic u kabaʼil le maʼx dzíbtmaʼhilʼ maʼs ichiloʼ.

Tiʼ le heʼeloʼobaʼ, le u kabaʼil u yáx seis libroʼoboʼ letiʼ lelaʼ: le u Yáx Libroil yétel u Caʼapʼélil u Libroil Nefi; Jacob, Enos, Jarom yétel Omni, leloʼ traducirtaab tiʼ le u meheʼn laminaoʼob Nefioʼ. Ichil u libroil Omni yétel Mosiaheʼ tiʼ yan le u tʼaniloʼob Mormon. Cu kaxic u tsicbalil Nefi (heʼebix dzíbtaanil yókol le laminaoʼob meheʼntacoʼ) yétel le tu betah Mormonoʼ tiʼ le nucuch laminaoʼoboʼ (leloʼ cu yaʼalic yoʼolal le kinoʼob cu dzoʼocol). Le u tʼaniloʼob Mormonoʼ letiʼ humpʼél tsolbil tʼan yoʼolal le u yáx parteil tiʼ le libroaʼ heʼebix xan le u yalab le librooʼ cu dzoʼocol.

U nohoch parteil le Libroaʼ, cu cáhal tiʼ u libroil Mosiah, tac capitulo siete tiʼ Mormoneʼ, u traducirtaan tʼan le parte tu betah Mormon tiʼ le u laminaoʼob Nefioʼ. Le baʼax yan tu xul u le libroaʼ, tu dzíbtah Moroni u pal Mormon, maʼx tu dzoʼocsah u tsicbal u cuxtal u tata, ca tu hoʼsah humpʼit tiʼ u tsicbalil Jareditaeʼ, cu kabaʼtiʼc u libroil Eter. Cu dzoʼocoleʼ tu dzíbtah le parte c kahólmaʼh bey u libroil Moroni. Dzíbtah teʼ librooʼ, tu kalah le tsicbal sagradooʼ. Ca tu taacah utiaʼal Hahal Dios ca chícpahac tiʼ le kinoʼob yaniʼloʼonaʼ, heʼebix u yaʼalmaʼhil Hahal Dios tu chiʼ le úchben profetaoʼoboʼ. Tiʼ u haʼabil 1827 tiʼ le kinoʼob yaniʼloʼonaʼ, letiʼ le Moroniaʼ, dzoʼoc tún u caʼa cuxtaleʼ, ca tu kubah tiʼ Jose Smith le laminaoʼoboʼ.