1 Jinataj ashkha runas lamanita Samuelpa nisqasninta uyarerqanku, mayqen nisqasnintachus llajtaj perqanmanta willarqa. Nisqampi creejkunataj Nefita taripaj rerqanku; payta tarispataj paymana juchasninkuta willarqanku, manataj chaykunata negarqankuchu, chayta ruwarqanku Señorman bautizakusqas kayta munaspa.

2 Chaywampis tukuy, pikunachus Samuelpa nisqasnimpi mana creerqankuchu, paykunaqa Samuelwan phiñakorqanku; perqapi sayashajtintaj rumisqan payta ch’anqarqanku, ashkha runastaj arcoswan flecharqanku; chaywampis Señorpa Espiritun paywan kasharqa, mana rumisninku ni flechasninkupis paymana chayarqankutajchu.

3 Kayta rikuspataj, mana payta maqayta atisqankuta rikuspa, ashkha runas nisqasninta creerqanku, Nefiman rerqankutaj bautizachikoj paywan.

4 Nefitaj bautizasharqa, sut’inchasharqa, Diosmanta willasharqataj, runasman Diosman kutirinankuta willaspa, paykunaman señalkunata, t’ukuchisnastawan rikuchispa, milagrostapis runaspa chawpinkupi ruwaspataj, Cristoj jamunanta yachanankupaj.

5 Paykunaman willarqa, imachus pisi tiempomantawan jamunanta, chayta, Jesucristo jamushajtin yuyarinankupaj, yachanankupajtaj willasqaña kasqankuta ñawpajmantapacha, kaykunataj creenankupaj; chayrayku Samuelpa nisqanta creejkuna Nefiman rerqanku bautizachikoj, imaraykuchus paykuna jamorqanku Diosman kutirispa, juchasninkuta willaspataj.

6 Chaywampis kuraj parte Samuelpa nisqasninta mana creerqachu; chayrayku rumisninkuwan, flechasninkuwan ima payta mana jap’ichiyta atispa, soldado kamachejninkunaman qhaparerqanku, nispa: Kay runata jap’iychis payta wataychistaj, imaraykuchus payqa supayniyoj; supaypa paypi atiyninraykutaj rumisniykuwan, flechasniykuwan ima payta mana jap’ichiyta atiykuchus; chayrayku payta jap’ispa payta wataychis, wañuchimuychistaj.

7 Payta makisninkuwan jap’imoj rejtinkutaj, perqamanta saltaspa jallp’ankumanata ayqerqa, arí, kikin llajtanman riporqa, kikin llajtanmantaj sut’inchayta qallarerqa.

8 Chaymantapacha nefitakunapurapi mana ni jayk’ajpis paymanta yacharqankuñachu; chay jinataj llajtaj ruwasqasnin karqanku.

9 Chay jinamanta juezkunaj kamachiyninkupi pusaj chunka sojtayoj wata tukukorqa.

10 Chay jinamantataj juezkunaj kamachiyninkupi pusaj chunka qanchisniyoj wata tukukullarqataj, runas kuraj partentaj orgullonkupi, sajra ruwanasninkupitaj quedakorqanku, sullk’a partentaj astawan sumajta qhawaspa Diospa ñawpaqempi purerqanku.

11 Chay jinapunitaj karqa juezkunaj kamachiyninkupi pusaj chunka pusajniyoj watampi.

12 Juezkunaj kamachiyninkupi pusaj chunka isq’onniyoj watampitaj llajtaj ruwanasnin pisillata cambiarqanku, cchaywampis runas sajra ruwanansnillankupi rumiyarqanku, astawan astawanrajtaj Diospa kamachisqasnimpa contrampi ruwanasta ruwayta qallarerqanku.

13 Juezkunaj kamachiyninkupi isq’on chunka watapitaj, jatun señalkuna t’ukuchinakunawan llajtaman qosqos karqanku; profetaspa nisqasninkutaj junt’akorqanku.

14 Angelestaj runasman rikhurimorqanku, yuyayniyoj runasman, paykunapaj may kusiy willaykunata willarqankutaj; kay jinataj kay watapi escriturasqa junt’akorqanku.

15 Chaywampis runasqa sonqonkuta rumiyachiyta qallarerqanku, nefitasmanta, lamanitasmantawan sumaj creejkunalla chayta mana ruwarqankuchu, kikin kallpankupi yuyayninkupitaj confiayta qallarerqanku, nispa:

16 Ashkha imasmanta wakinta tal vez cheqata adivinarqanku; chaywampis tukuy kay jatun t’ukuchinapaj ruwanas, imaschus willasqaña, chaykuna mana pasayta atinankuta yachayku.

17 Paykunapura ninakuyta, tratanakuytawan qallarerqanku, nispa:

18 yuyasqanchisman jina uj Cristo runa mana jamunmanchu; jamunman, Diospa Wawantaj kanman, janaj pachaj, kay pachaj Tatampis, parlasqanman jina chayqa, ¿Imarayku mana ñoqanchisqan qhawachikunmanchu Jerusalempi kajkunawan qhawachikusqanman jina?

19 Arí, ¿Imarayku mana kay jallp’api Jerusalen jallp’api jina qhawachikunmanchu?

20 Qhaway, sajra creey kay kasqanta yachanchis, tatasninchistaj ñoqanchisman kayta saqerqa uj jatun t’ukuchina imapi creenanchispaj, imachus pasanman, chaypi, chaytaj mana ñoqanchispurapi kanmanchu, astawanqa karu llajtapi, uj llajtapi, imamantachus ni imatapis yachanchischu, chaypi. Chayrayku mana yachaypi saqewanchis, cheqa kasqankuta kikin ñawinchiswan mana rikusqanchisrayku.

21 Paykunataj sajra kajpa atoj jina pakaypi ruwaykunawan, uj jatun pakasqa cosata, imatachus mana entiendeyta atinchischu, chayta ruwanqanku. Chaytaj nisqankumana jina kamachis kananchispaj kamachiwasunchis, jinataj paykunaj kamachisninku kasunchis, paykuna nisqankumanta yachachiwasqanchista suyasqanchisrayku; chay jinamantataj paykunata kasusunchis chayqa, mana ima yachaypi saqewasunchis, tukuy p’unchayninchiskunapi.

22 Chay jinapis aswan ashkha qhasi, wampu imasta sonqosninkupi yuyarqanku; ashkhastaj kuyuchisqas karqanku, imaraykuchus Satans paykunata sajra ruwaykunata ruwacherqapuni; arí, tukuy jallp’a patapi qhasi nisqasta, tratanakuykunatawan mast’amorqa, runaspa sonqosninkuta rumiyachinampaj allin kajpa contrampi, jamoj kajkunaj contrampitaj.

23 Señorpa llajtampurapi ashkha señalkuna, t’ukuchiykunawan ashkha milagros, mayqen milagrostachus paykuna ruwarqanku, haykunawampis, Satanas tukuy jallp’a patapi tiyakojkunaj sonqosninkuta sumajta jap’erqa.

24 Kay jinamantataj Nefij llamtampa juezninkunaj kamachiyninkupi isq’on chunka wata tukukorqa.

25 Kay jinamanta Helamampa libron tukukorqa, Helamampa, wawasnimpawan escribisqankuman jina.