1 Jinataj isq’on chunka ujniyoj wata pasarqaña. Sojta pachaj watañataj Lehi Jerusalenmanta llojsimusqanmanta pasarqa. Kay watapi Laconeo juez, kamachejtaj tukuy llajtapaj karqa.

2 Nefitaj, Helamampa wawan, Zarahemla jallp’amanta llojserqa. Kuraj wawanman, Nefi, tukuy bronce planchasta, waqaychasqa escribisqastawan, waqaychajta saqerqa, tukuy llimphuchasqa imastawan, mayqenkunatachus waqaycharqanku Lehi Jerusalenmanta llojsimusqanmantapacha.

3 Chaymanta payqa jallp’amanta llojserqa. Maymanchus ripusqanta mana pipis yachanchu. Wawantaj, Nefi, cuentampi waqaycharqa planchasta, arí, kay llajtaj escribisqanta.

4 Jinataj isq’on chunka iskayniyoj wata qallarejtin, profetaspa sut’inchasqasninku astawanraj junt’akorqanku, aswan jatun señales, aswan jatun milagrostaj karqa llajta ukhupi.

5 Chaywampis wakinkuna nerqanku lamanita Samuelpa nisqan junt’akunampaj tiempo pasasqaña kasqanta.

6 Hermanosninkuta asipayarqanku nispa: Qhawariy, tiempo pasasqaña, Samuelpa nisqanqa mana junt’asqachu. Chayrayku qhasi mana kaj feniyoj kankichis, qhasillataj kusikunkichis.

7 Jinataj tukuy jallp’api ancha jatun ch’ajway karqa. Creejkunataj phutikorqanku yuyaspa nisqasnin mana junt’akunankuta.

8 Chaywampis, sumajta qhawaspalla karqanku chay p’unchay, chay tuta, chay p’unchaywan, mayqenkunachus uj p’unchayllaman rijch’akunkumana, mna tutayayniyoj jina, yachanankupaj mna llanqhalla feninku kasqanta.

9 Jinataj tukuy mana creejkunaqa uj p’unchayta wakicherqanku tukuy creejkunata wañuchinankupaj mana profeta, Samuelpa, nisqan junt’akojtenqa.

10 Jinataj maypachachus Nefi, Nefij wawan, llajtan kay jina juchallikojta rikorqa, chaypacha sonqon anchata nanarqa.

11 Jinataj payqa jawaman llojserqa, pampaman k’umuykorqataj, Diosmanta mañakorqataj llajtanrayku, arí, pikunaraykuchus tukuchisqa kaj jina karqanku tatasninkoj ruwasqasninkupi feniyoj kasqankurayku.

12 Jinataj p’unchaynintinta allinta Diosmanta mañakorqa, chaypachataj Señorpa parlaynin paymana chayarqa nispa:

13 Umaykita oqhariy, kusikuytaj, imaraykuchus ñapis tiempo qayllapiña, kunan tuataj señal qosqa kanqa, q’ayataj ñoqa kay mundoman jamusaj, runasman qhawachej junt’anayta imastachus llimphuchasqa profetasta parlacherqani chaykunata.

14 Qhawariy, ñoqaj kajiniykunaman jamuni junt’aj imatachus willacherqani runaspa wawasninkumana kay pachaj qallariyninmantapacha. Jamullanitaj Tataj, Wawampajwan munayninkuta, ruwaj, ñoqarayku Tataj munayninta, aychayraykutaj Wawaj munayninta. Tiempotaj kaypiña imaraykuchus kunan tuta señal qosqa kanqa.

15 Jinataj imachus Nefiman willasqa karqa, chaykuna junt’asqas karqanku imaynamantachus willasqa karqanku, jinata. Imaraykuchus inti yaykojtin mana laqhayarqachu. Runastaj t’ukorqanku mana laqhayasqanrayku inti yaykushajtin.

16 Ashkhastaj mana creerqankuchus profetaspa nisqankuta, paykuna pampaman urmarqanku wañusqas jina, imaraykuchus paykuna yacharqankuña llanqhalla wakichiskusqankuta profetaspa parlasqankuta creejkunata wañuchisqaña karqa.

17 Yachayta qallarerqankutaj Diospa Wawan pisimantawan rikhurimunanta. Arí, tukuy kay jallp’a patapi kajkunaqa inti yaykuynejpi, inti llojsimuynejpi, pata jallp’apipis, ura jallp’apipis, anchata t’ukusqankurayku pampaman urmarqanku.

18 Imaraykuchus yacharqankuña unaymantapacha profetas kaykunamanta sut’inchasqankuta. Yachallarqankutaj willasqaña señal junt’akusqanta, chayrayku manchakuyta qallarerqanku juchallikusqankurayku, iskayrayasqankuraykutaj.

19 Jinataj tutantin mana laqhayarqachu, chawpi p’unchay jinalla k’ancharimorqa. Tutamanta watejmanta inti llojsimorqa, imaynamantachus sapa tutamanta llojsimun, jinata. Paykunataj yacharqanku chay p’unchaypi Señor nacekunanta, señal willasqaña kasqanrayku.

20 Jinataj junt’akorqa, tukuy ima juch’uy kajpis profetaspa nisqankuman jina.

21 Jinataj mosoj ch’aska rikhurimorqa nisqankuman jina.

22 Jinataj Satanas llullakuykunasta llajtaman kachamorqa sonqosninkuta rumiyachinampaj, rikusqanku señalesta, t’ukunstawan, chaykunasta mana creenankupaj. Llullakojtimpis, engañajtimpis llajtaj kuraj parten creerqa, Señorman kutirikorqataj.

23 Jinataj Nefiqa, ukkunawan llajta ukhunejman rerqanku, Diosman kutirikunankupaj runasta bautizaspa, chayrayku ashkha runas juchasninkuta saqerqanku pampachasqas kanankupaj. Chay jinataj watejmanta sonqo tiyay kawsay karqa jallp’api.

24 Jinataj mana pipis phiñanakorqankuchu. Chaywampis pisillas karqanku, pikunachus yachacherqanku escriturasqan, manaña Moisespa leyninta junt’anachu nispa. Chayta ruwaspa pantarqanku imaraykuchus mana entienderqankuchu excriturasta.

25 Jina kajtimpis paykuna creejkunaman tukorqanku, yachachisqastaj karqanku pantasqankumanta. Imaraykuchus paykunaman yachachisqa karqa chay ley manaraj junt’asqa kanan karqa ima juch’uy kajpis. Arí, amañarqanku ley paykunaman jamusqanta junt’asqa kanampaj, arí, mna uj juch’uy letra, ni uj juch’uy rayallapis chinkasqachu kanman tukuy junt’akunankama. Chayrayku kay kikin watapi pantasqankuta yacharqanku, chayrayku juchasninkuta willarqanku.

26 Ajinata isq’on chunka iskayniyoj wata pasarqa, kusiy willaykunata runasman apaspa señales junt’akusqankurayku, imaynamantachus tukuy llimphuchasqa profetas sut’incharqanku, ajinata.

27 Jinallatataj isq’on chunka kinsayoj wata pasarqa sonqo tiyay kawsay kashajtin jallp’api. Chaywampis, Gadianton nisqa suwasqa, pikunachus orqos patapi tiyakorqanku, ashkhastaj karqanku, imaraykuchus pakasqa wasispi, pakasqa lugaresnimpitaj ancha kallpayoj karqanku, chayrayku llajtaqa mana paykunata atipayta aterqachu. Chayrayku paykuna shkhata wañucherqanku, ashkha runasta tukucherqankutaj.

28 Jinataj isq’on chunka tawayoj watapi, paykuna anchata ypakuyta qallarerqanku, imaraykuchus ashkha phiñasqa nefitas paykunaman ayqerqanku. Chaytaj nefitasta, pikunachus jallp’api quedakorqanku, paykunata sumajta phuticherqa.

29 Lmanitakunapis phutikullarqankutaj, imaraykuchus ashkha wawasninku wiñajtinku, hombreña kajtinkutaj, kikinkupaj ruwanankupaj, wakin zoramitaspaykunata pusarqanku llullakuyninkunejta, engañayninkunejta ima Gadianton nisqa suwaswan tantakunankupaj.

30 Chay jinataj lamanitakunapis phutiyniyoj kallarqankutaj, paykunataj allin ruwayninkuta, feninkutataj saqeyta qallarerqanku, wiñaj miray juchallikusqanrayku.