1 Jinataj runasta, ajllasqasnintapis kamacherqa mañakuyta tukunankuta. Kamacherqataj sonqosninkupi mañakunallankutapuni.

2 Kamacherqataj paykuna jatarinankuta, sayarinankutataj. Paykunataj jatarispa, sayarerqanku.

3 Jinataj payqa ujtawan t’antata parterqa, chayta bendicerqataj, ajllasqasninman t’antata jaywarqataj mikhunankupaj.

4 Mikhusqankutawan, kamacherqa t’antata partinankuta, tukuy runasman jaywanankutataj.

5 Ashkha runasman jaywasqankutawan, vinota jaywarqa ujyanankupaj. Kamacherqataj ashkha runasman jaywanankuta.

6 Kunanqa ajllasqasnin mana apamorqankuchu t’antata, nitaj vinotapis. Manataj pipis ashkha runasmanta chaykunata apamorqankuchu.

7 Chaywampis, cheqamanta payqa jaywarqa t’antata mikhunankupaj, vinotawan ujyanankupaj.

8 Paytaj paykunaman nerqa: Pichus kay t’antata mikhun, cuerpoyta mikhun. Pitajchus kay vinota ujyan, yawarniyta ujyan. Paytaj manapuni yarqhachikonqachu, nitaj ch’akichikonqachju, astawanraj sajsasqa kanqa.

9 Kunantaj maypachachus runas mikhorqanku, ujyarqankutaj, chaypacha paykuna Espirituwan junt’asqas karqanku. Paykunataj ujllapi qhaparerqanku, Jesusta yupaycharqankutaj, pitachus paykuna rikorqanku, uyarerqankutaj.

10 Jinataj Jesusta yupaychasqankutawan paykunaman nerqa: Kunantaj ñoqa junt’ani Tataj kamachiwasqanta, mayqentachus kamachiwarqa kay llajtamanta, mayqenchus Israelpa wawasninmanta puchun.

11 Yuyarikunkichis parlasusqaykichista. Nerqaykichis Isaiaspa nisqan junt’akojtin — paypa nisqan escribisqaña, qankunaj ñawpaqeykichispitaj kashan, chayrayku chaykunata leeychis —

12 Cheqamanta, cheqamanta niykichis, chay nisqan junt’akojtin Tataj llajtanman tratochasqampis junt’akullanqataj, o Israelpa wawasnin.

13 Chaypachataj kay jallp’a patapi ch’eqerachisqa puchun tantasqa kanqa, inti llojsimuy jallp’amanta, inti yaykuy jallp’amanta, jinataj ura jallp’amanta, pata jallp’amantataj, Señor Diosninkumantataj yachanqanku, pichus paykunata kacharicherqa.

14 Tatataj kamachiwarqa kay jallp’ata qosunaykichista chayaqe jallp’ayoj kanaykichispaj.

15 Niykichistaj manachus gentiles bendicionta jap’isqankutawan, llajtayta ch’eqerachisqankutawantaj, manachus Diosman kutirikunku chayqa —

16 Qankuna, Jacobpa wawasmanta puchun, paykun aukhumana rinkkichis. Qankunataj paykunaj chawpinkupi, pikunachus ashkhas kanqanku, paykunaj chawpinkupi kankichis. Imaynatachus leon sach’aspi kaj animaleswan purin, kikillantataj qankuna paykuna ukhupi purinkichis. Imaynatachus juch’uy leon oveja tropa chawpipi purin, ovejasta sarun, wañuchintaj, chay jinapis paykuna ukhupi purinkichis, manataj pipis salvanmanchu paykunata.

17 Chejnisojkunaj contrampitaj makiyki oqharisqa kanqa, tukuy enemigosniykichistaj qharqosqas kanqanku.

18 Imaynatachus runa ruthusqasninta ira pampapi tantan, ajinallatataj llajtayta tantasaj.

19 Imaraykuchus llajtayta, mayqenwanchus Tata tratocharqa, arí, wajraykichista fierroman kutichisaj, sillusniykichistataj bronceman tukuchisaj. Ashkha llajtasta t’unankichis. Kapuyninkutataj Señorman t’aqasaj, qhapaj kayninkutataj tukuy jallp’aj Señorninman t’aqasaj. Qhawariychis, ñoqaqa chayta ruwani.

20 Jinataj chay p’unchaypi, Tata nin, justiciaj espadanqa paykuna patapi warkhurayanqa. Manachus Diosman kutirikunku chayqa, paykunaman urmanqa, arí, tukuy gentilespa llajtasninman urmanqa.

21 Jinataj llajtayta wakichisaj, o Israelpa wawasnin.

22 Kay llajtata kay jallp’api tiyachikusaj, tatayki, Jacobwan, tratochasqayta junt’anaypaj. Chaytaj Mosoj Jerusalen sutiyoj kanqa. Kay llajta chawpipi janaj pachamanta atiykuna kanqa: arí, ñoqapis kay llajta chawpipi kasaj.

23 Ñoqa kani pimatachus Moises parlarqa nispa: Señor diosniykichis qankunapaj profetata oqharenqa hermanosniykichismanta. Paytaj ñoqaman rijch’akoj kanqa. Payta tukuy nisusqaykichispi uyarinkichis. Jinataj pichus mana chay profetata uyarinmanchu, payqa llajtamanta qharqosqa kanqa.

24 Cheqamanta niykichis, tukuy profestas Samuelmantapacha, paypa qhepanta jamojkunawampis, pikunachus parlajkuna karquanku, paykunaqa ñoqamanta willarqanku.

25 Cheqamanta niykichis, tukuy profetas Samuelmantapacha, paypa qhepanta jamojkunawampis, pikunachus parlajkuna karqanku, paykunaqa ñoqamanta willarqanku.

26 Tata ñawpajta qankunaman ñoqata oqharerqa, qankunaman kachawarqataj qankunata bendicejta qankunata juchasniykcihismanta t’aqajtataj, kaytaj tratochasqampa wawasnin kasqaykichisrayku.

27 Bendecisqas kasqaykichismantataj, Tataqa Abrahamwan tratochasqanta junt’an, nispa: Mirayniykipi tukuy kay pachapi familias bendecisqas kanqanku, Santo Espiritu gentilesman t’akasqa kanankama ñoqanejta. Chay benicionraykutaj gentilesqa asqan kallapayoj kanqanku tukuy llajtasmanta nisqaqa, llajtayta ch’eqerachinankukama, o Israelpa wawasnin.

28 Paykunataj kay jallp’api kajkunapaj jasut’iy kanqanku. Chaywampis junt’a evangelioyta jap’iytawan, watejmanta rumi sonqoyoj kutinkuman chayqa, ñoqa juchasninkuta kutichipusaj umasninkuman, Tata ajinata nin.

29 Llajtaywan tratochasqayta yuyarisaj; paykunawan tratocharqani munayniyman jin apaykunata tantanayta, paykunaman qonaytataj Tatasninkoj jallp’ankuta chayaqenkupaj, chay jallp’ataj Jerusalen nisqa jallp’a. Cahytaj prometisqa jallp’anku wiñaypaj wiñayninkama, Tata ajinata nin.

30 Jinataj p’unchay jamonqa, maypachachus junt’a evangelioy paykunaman yachachisqa kanqa;

31 Ñoqapitaj creenqanku, Jesucristo, Diospa Wawan kasqayta. Tatamanta ñoqaj sutiypi mañakonqankutaj.

32 Chantá jark’ajninkuna qhaparenqanku, kuskataj takenqanku, ñawimanta ñawiman rikunakusqankurayku.

33 Chaypachataj Tataqa paykunata watejmanta tantanqa, Jerusalentataj qonqa chayaqenkupaj jallp’a kanampaj.

34 Chaypachataj anchata kusikonqanku; ¡Kuskata takiychis Jerusalempa ch’in jallp’asnin! Imaraykuchus Tataqa llajtanta sonqocharqa, Jerusalenta kacharicherqataj.

35 Tataj llimphu makin q’alakun, tukuy llajtaspa ñawpaqenkupi; tukuy kay pachaj kantusnintaj rikonqanku Tataj salvacionninta. Tataj, ñoqawan ujlla kayku.

36 Chaypachataj kay escribisqa junt’asqa kanqa: Rijch’ariy, ujtawan rijch’ariy, kallpachakuytaj, o Sion; sumaj p’achasniykiwan p’achallikuy, o Jerusalen llimphuchasqa llajta, imaraykuchus kaymantapacha mana circuncidasqas, ch’ichi kajkunawan manaña qanman jamonqankuchu.

37 Jallp’amanta thalarikuy; jatarikuy, tiyarikuytaj o Jerusalen. Kunakaykita jap’isojmanta kacharichikuy, o Siompa presochasqa warmi wawan.

38 Imaraykuchus ajinata nin Señor: Qhasilla rantichikorqankichis, manataj qolqewan salvasqachu kankichis.

39 Cheqamanta, cheqamanta niykichis, llajtayqa sutiyta yachanqanku; arí, chay p’unchaypi yachanqanku ñoqa parlaj kasqayta.

40 Chay qhepantataj nenqanku: Orqo patapi may k’achita kanku paykunaman sumaj willaykunata apamojpa chakisnin, pichus sonqo samakuyta willan, pichus paykunaman sumaj willaykunata allin ruwaykunamanta apamun, pichus salvacionta willan, pihus Sionman nin: ¡Diosniykichis kamachin!

41 Chaymantaqa uj qhapariy llojsenqa: Lolojsiychis, llojsiychis, chaymanta ripuychis, ama ch’ichi kajkunata llankhaychischu; chaymanta ripuychis; Señorpa vasosninta apajkuna llimphu kaychis.

42 Imaraykuchus mana usqhayta, manataj ayqespachu llojsinkihis; imaraykuchus Señor ñawpaqeykichista renqa.

43 Qhawariychis, ñoqaj kamachiy cheqanta ruwanqa; jatunchasqa, yupaychasqa, altuman churasqataj kanqa.

44 Jinataj ashkhas qanmanta t’ukorqanku — Paypa rijch’aynin waj jinayachisqa karqa, tukuy runasmanta nisqaqa astawanraj, kikin kaynintaj waj runaspa wawasninkumanta astawan waj jinayachisqa —

45 Ajinamanta tukuy llajtasman ch’ajchonqa. Payrayku reyes simisninkuta wisq’anqanku, imaraykuchus mana paykunaman willasqata rikonqanku. Jinataj mana uyarisqankupi t’ukonqanku.

46 Cheqamanta, cheqamanta niykichis tukuy kaykuna junt’akonqanku, imaynatachus Tata kamachiwarqa, kikillantataj. Chaypachataj Tataj llajtanwan tratochasqan junt’asqa kanqa. Llajtaytaj watejmanta Jerusalen llajtapi tiyakonqa, chaytaj chayaqe jallp’an kanqa.