1 Qhawariychis, p’unchay chayamun, mayqenchus horno jina lawranqa. Tukuy orgullosos, arí, tukuy sajrata ruwajkunapis, paja kanqanku; chayamoj p’unchaytaj paykunata ruphachenqa, nin Angelespa Señornin, manataj saphipis, ni laphipis puchonqachu.

2 Chaywampis qankuna, ñoqaj sutiyta manchachikojkunapaj, qankunapaj Allin ruwaypa Wawan jatarenqa lijrasnimpitaj thañichiywan jamonqa; qankunataj wiñankichis, imaynatachus juch’uy vaca corralpi wiñan, jinata.

3 Sajrata ruwajkunatataj sarunkichis. Imaraykuchus kayta ruwanay p’unchaypi ushpha jina kanqanku chakisniykichis urapi, nin Angelespa Señornin.

4 Kamachiy Moisespa leyninta yuyarikuychis, mayqentachus Horebpi kashajtin payman tukuy Israelpaj qorqani kamachisqaswan, juicioswan.

5 Qhawariy, profeta Eliasta kachamusqaykichis manaraj chayamushajtin Señorpa jatun manchachikuna p’unchaynin;

6 Payqa tataspa sonqosninkuta wawasninkuman kutichenqa, wawaspa sonqosninkutapis tatasninkuman kutichenqa, manataj jamunay kachunchu jasut’inaypaj maldicionwan kay jallp’ata.