1 Lukim, ol brata bilong mi, yupela i no tingim long ritim ol toktok bilong profet Jinos, em i bin autim long haus bilong Israel, olsem:

2 Harim, O yupela haus bilong Israel, na harim ol toktok bilong mi, wanpela profet bilong Bikpela.

3 Long wanem, lukim, olsem Bikpela i tok, mi bai makim yupela, O haus bilong Israel, olsem wanpela diwai oliv long ples, em wanpela man i bin kisim na lukautim long gaden bilong ropwain bilong em, na em i bin bikpela na kamap lapun, na i stat long idai.

4 Na em i kamap we masta bilong gaden bilong ropwain i bin kam, na lukim olsem diwai oliv bilong em i stat long idai, na em tok: Mi bai katim ol han diwai nabaut, na brukim graun raun long em, na lukautim em, olsem em bai putim kru long ol han diwai, na bai i no inap idai.

5 Na em i kamap we masta i bin katim ol han diwai nabaut, na brukim graun raun long em, na lukautim em olsem em i bin tok.

6 Na em i kamap we bihain long planti de, liklik kru long ol han diwai bilong diwai oliv i stat long kamap, tasol lukim, as bilong diwai tru tru we em i bin katim i stat long idai.

7 Na em i kamap we masta bilong gaden bilong ropwain i bin lukim em, na tokim wokman bilong em: Mi sore olsem mi bai lusim dispela diwai, olsem na, go na rausim ol han diwai bilong wanpela diwai oliv long bus na karim ol i kam long mi, na mipela bai rausim ol bikpela bikpela han diwai em i stat long idai, na mipela bai tromoi ol i long paia long kukim.

8 Na lukim, Bikpela long gaden bilong ropwain i tok, mi rausim planti kru long ol han diwai, na mi bai pasim antap long ol wanem hap mi bai laikim, na mi bai i no inap wari sapos as bilong dispela diwai bai idai, tasol mi bai lukautim i stap ol pikinini bilong em long mi yet, olsem na, mi bai kisim kru long ol han diwai, na mi bai pasim antap long wanem hap mi bai laikim.

9 Yu kisim ol han diwai bilong diwai oliv long bus, na pasim antap, long ples bilong ol han diwai bilong diwai oliv we mi bin rausim ol, na mi bai tromoi ol i go long paia long kukim ol, nogut ol bai bagarapim graun long gaden bilong ropwain bilong mi.

10 Na em i kamap we wokman bilong Bikpela long gaden bilong ropwain i bin wokim olsem Bikpela bilong gaden bilong ropwain i bin tok, na pasim antap ol han bilong diwai oliv long bus.

11 Na Bikpela long gaden bilong ropwain i bin tokim wokman long brukim graun raun, na katim han diwai nabaut na lukautim diwai oliv long ples, na em tokim wokman bilong em olsem: Bikos mi bin sore olsem mi bai lusim dispela diwai, olsem na, long lukautim gut ol as bilong em inap long ol as bilong diwai bai i no inap idai, olsem mi bai lukautim gut ol as bilong diwai long mi yet, mi bin wokim dispela samting.

12 Olsem na, go lukautim diwai na givim kaikai long em olsem mi bin tok.

13 Na mi bai putim han bilong diwai oliv long ples long arere tru long gaden bilong ropwain bilong mi, long wanem hap mi laikim, yu noken wari long em, na mi wokim dispela olsem mi bai lukautim i stap long mi yet ol trutru han bilong diwai oliv long ples, na tu, olsem mi bai bungim na lukautim ol prut bilong em long narapela taim bihain long mi yet, long wanem, mi sore olsem mi bai lusim dispela diwai wantaim prut bilong em.

14 Na em i kamap we Bikpela long gaden bilong ropwain i bin go, na haitim ol trutru han bilong diwai oliv long ples long arere tru long gaden bilong ropwain, sampela long wanpela hap na sampela long narapela hap olsem long laik bilong em.

15 Na em i kamap we bihain long longpela taim i bin go pas na Bikpela long gaden bilong ropwain tokim wokman bilong em: Kam, yumi go daun long gaden bilong ropwain na yumi bai wok long gaden bilong ropwain.

16 Na em i kamap we Bikpela long gaden bilong ropwain, wantaim wokman bilong em i bin go daun long gaden bilong ropwain long wok. Na em i kamap we wokman i bin tokim masta bilong em: Lukim, lukluk long hia, lukim dispela diwai.

17 Na em i kamap we Bikpela long gaden bilong ropwain i bin lukluk na lukim diwai oliv bilong ples long we ol han bilong diwai oliv long bus em i bin pasim antap, na em i kamap na i stat long karim pikinini. Na Bikpela long gaden bilong ropwain i bin lukim olsem diwai i kamap gutpela; na prut bilong em i bin kamap wankain olsem prut tru tru bilong idwai oliv yet.

18 Na em tokim wokman: Lukim, ol han bilong diwai oliv long bus i bin kisim wara long as bilong diwai oliv long ples, inap long as bilong em i kamap strongpela tru, na bikos as bilong diwai oliv long ples i bin kamap strongpela tru, ol han bilong diwai oliv long bus i bin karim pikinini tru tru. Nau, sapos yumi i no bin pasim antap dispela han diwai, diwai oliv long ples bai idai. Na nau, lukim, mi bai bungim na lukautim planti prut, em dispela diwai bin karim, na mi bai bungim na lukautim ol prut bilong diwai oliv long ples long bihain taim bilong mi yet.

19 Na em i kamap we Bikpela long gaden long ropwain i bin tokim wokman: Kam, yumi go long arere tru long gaden bilong ropwain, na lukim sapos ol han trutru bilong diwai oliv long ples i bin karim planti prut tu, olsem mi bai bungim na lukautim ol prut bilong em long bihain taim bilong mi yet.

20 Na em i kamap we ol tupela i bin go long ples we masta i bin haitim ol han diwai tru tru bilong diwai oliv long ples, na masta tokim wokman: Lukim dispela, na em lukim nambawan han diwai tru tru olsem em i bin karim planti prut, na masta i bin lukim olsem ol prut em i bin karim i gutpela. Na masta i bin tokim wokman: Kisim prut bilong em, na lukautim i stap long bihain taim olsem mi bai lukautim i stap bilong mi yet, long wanem, lukim, masta i bin tok, mi bin lukautim na givim kaikai long em long longpela taim, na em i karim planti prut.

21 Na em i kamap we wokman i bin tokim masta bilong em: Bilong wanem, yu bin planim dispela diwai o dispela han bilong diwai long hia? Long wanem, lukim, dispela graun i graun nogut tru long olgeta graun long gaden bilong ropwain bilong yu.

22 Na Bikpela long gaden bilong ropwain i tokim em: Noken kaunselim mi, mi bin save olsem em i graun nogut tru, olsem na, mi tokim yu, mi bin lukautim long givim kaikai long em long longpela taim, na yu lukim olsem em karim planti prut.

23 Na em i kamap we Bikpela long gaden bilong ropwain i bin tokim wokman bilong em: Lukluk long hia, lukim mi bin planim narapela han diwai bilong diwai tu, na yu save olsem dispela graun i moa nogut tru long nambawan graun. Tasol, lukim dispela diwai. mi bin lukautim na givim kaikai long em longpela taim, na em i karim planti prut, olsem na, bungim ol prut, na lukautim i stap long bihain taim, olsem mi bai lukautim i stap bilong mi yet.

24 Na em i kamap we Bikpela long gaden bilong ropwain i bin tokim wokman bilong em gen: Lukluk long hia, na lukim narapela han diwai, tu em i mi bin planim, lukim, olsem mi bin lukautim na givim kaikai long em tu, na em i karim prut.

25 Na Bikpela long gaden bilong ropwain i bin tokim wokman: Lukluk long hia na lukim laspela han diwai mi bin planim. Lukim, dispela mi bin planim long wanpela gutpela graun, na mi bin lukautim em longpela taim, wankain olsem ol narapela diwai, na lukim, sampela han diwai i karim gutpela prut na sampela i karim wail prut.

26 Na em i kamap we Bikpela long gaden bilong ropwain tokim wokman: Rausim ol han diwai em ol i no karim gutpela prut, na tromoi long paia.

27 Tasol lukim, wokman i bin tokim em: Yumi katim han diwai nabaut, na brukim graun raun long em, na lukautim na givim kaikai long em longpela taim liklik, olsem em bai karim gutpela prut bilong yu, olsem yu bai bungim na lukautim i stap long bihain taim.

28 Na em i kamap we Bikpela long gaden bilong ropwain wantaim wokman bilong Bikpela long gaden bilong ropwain i bin lukautim na givim kaikai long olgeta prut long gaden bilong ropwain.

29 Na em i kamap we bihain long longpela taim i bin go pas, na Bikpela long gaden bilong ropwain em i tokim wokman bilong em: Kam, yumi go daun long gaden bilong ropwain, olsem mipela bai wok gen long gaden bilong ropwain. Long wanem, lukim, taim i kamap klostu long pinis, olsem na, mi mas bungim na lukautim i stap ol prut bilong diwai long bihain taim bilong mi yet.

30 Na em i kamap we Bikpela long gaden bilong ropwain wantaim wokman i bin go daun long gaden bilong ropwain; na ol i kam long diwai long em ol han diwai long ples em i bin rausim, na ol han diwai long bus em i bin pasim antap, na lukim olgeta kainkain prut diwai i bin kamap long bagarapim diwai.

31 Na em i kamap we Bikpela long gaden bilong ropwain i bin traim prut, olgeta kainkain prut olsem long namba bilong em. Na Bikpela long gaden bilong ropwain i bin tok: Lukim, mipela i bin givim kaikai long dispela diwai longpela taim, na mi bin bungim na lukautim i stap planti ol prut long narapela taim bihain bilong mi yet.

32 Tasol lukim, dispela diwai i karim planti prut tasol i nogat wanpela prut em i gutpela. Na lukim, olgeta kainkain prut nogut i bin kamap, na dispela diwai i no halivim mi, olgeta hatwok bilong mipela i go nating, na nau mi sore olsem mi bai lusim dispela diwai.

33 Na Bikpela long gaden bilong ropwain i bin tokim wokman: Mipela bai wokim wanem long dispela diwai, olsem mi bai lukautim i stap gen ol gutpela prut long em bilong mi yet?

34 Na wokman i bin tokim masta bilong em: Lukim, bikos yu i bin pasim antap ol han bilong diwai oliv long bus, ol han bilong diwai oliv long bus i bin givim kaikai long ol as bilong diwai, olsem na ol as bilong diwai oliv long ples i stap laip na ol i no idai, olsem na yu lukim olsem ol i stap gutpela yet.

35 Na em i kamap we Bikpela long gaden bilong ropwain i bin tokim wokman bilong em: Diwai i no karim gutpela prut long mi na ol as bilong em i no mekim wanpela gutpela samting long mi, na diwai bai kamap olsem yet na em karim prut nogut.

36 Tasol, mi save olsem ol as bilong em i gutpela, na mi bin lukautim ol i stap long as tingting bilong mi yet; na bikos long bikpela strong bilong ol, ol i bin karim gutpela prut long han diwai long bus inap long nau taim.

37 Tasol lukim, ol han diwai long bus i bin kamap bikpela na winim as bilong em, na bikos ol han diwai long bus i bin winim as bilong diwai, em i bin karim planti prut nogut, na bikos em karim planti prut nogut, yu lukim olsem em i stat long idai, na em bai klostu kamap lapun tru, inap long em bai yumi tromoi ol i long paia, sapos mipela i no wokim wanpela samting long lukautim em i stap.

38 Na em i kamap we Bikpela long gaden bilong ropwain i bin tokim wokman bilong em: Yumi go daun long arere tru long gaden bilong ropwain, na lukim sapos ol han diwai tru tru i bin karim prut nogut tu.

39 Na em i kamap we ol tupela i bin go daun long arere tru long gaden bilong ropwain. Na em i kamap we ol tupela i bin lukim olsem prut bilong ol han diwai tru tru i bin kamap nogut tu, ye, nambawan han diwai nambatu han diwai wantaim laspela han diwai, na olgeta i bin kamap nogut.

40 Na wail prut bilong laspela han diwai i bin winim narapela hap bilong diwai em i bin karim gutpela pikinini, inap long dispela han diwai i bin kamap drai na idai.

41 Na em i kamap we Bikpela long gaden bilong ropwain i bin krai, na tokim wokman: Mi bai wokim wanem samting moa long gaden bilong ropwain bilong mi?

42 Lukim, mi bin save olsem olgeta prut long gaden bilong ropwain i gutpela tasol dispela lain tasol i kamap nogut. Na nau ol dispela ol i bin karim gutpela prut bipo i kamap nogut tu, na nau olgeta diwai long gaden bilong ropwain bilong mi i kamap samting nating na mi inap long katim na tromoi long paia.

43 Na lukim dispela laspela han diwai, em i bin kamap drai, mi bin planim long gutpela graun, ye, tru tumas long nambawan graun tru bilong mi long olgeta narapela graun long gaden bilong ropwain bilong mi.

44 Na yu lukim olsem mi bin katim dispela diwai tu, em i bin bagarapim dispela hap long graun, olsem mi bai planim dispela diwai long ples bilong em.

45 Na yu lukim olsem wanpela hap bilong diwai i bin karim gutpela prut, na narapela hap bilong em i bin karim wail prut, na bikos mi no rausim ol han diwai em i karim wail prut na tromoi long paia, lukim, ol i winim gutpela han diwai na em i kamap drai.

46 Na nau, lukim, inap yumi bin lukautim gaden bilong ropwain bilong mi gut tru, tasol ol diwai long em i bin kamap nogut tru, olsem ol i karim prut nogut, na mi bin ting ting olsem mi bai lukautim ol, inap long mi bai bungim ol prut bilong ol na lukautim i stap bilong bihain taim long mi yet. Tasol, lukim, ol i kamap wankain olsem diwai oliv long bus, na ol i kamap samting nating long mi bai yumi katim na tromoi long paia, na mi sore olsem mi bai lusim ol.

47 Tasol, wanem moa mi bai wokim long gaden bilong ropwain bilong mi? mi bin slekim han bilong mi, olsem na mi no bin lukautim em? Nogat, mi bin givim kaikai long em, na mi bin putim pekpek bilong enimol raun long em, na mi bin brukim graun raun long em na mi bin katim ol han diwai nabaut, na mi bin taitim han bilong mi klostu olgeta de na longpela taim, na arere kamap klostu tru. Na mi sore olsem mi bai katim daun olgeta diwai long gaden bilong ropwain bilong mi, na tromoi ol long paia long kukim. Husat tru i bin bagarapim gaden bilong ropwain bilong mi?

48 Na em i kamap we wokman i bin tokim masta bilong em: Em i olsem ol diwai long gaden bilong ropwain i bin kamap longpela long strongim as bilong ol na i no givim kaikai long ol han diwai—o ol han diwai winim gutpela as bilong diwai? Na bikos ol han diwai i bin winim as bilong diwai, lukim, ol kamap bikpela hariap tru na winim strong bilong as bilong diwai, inap long ol i kisim strong long ol yet. Lukim, mi tok, em i mas dispela tasol em i bin bagarapim ol diwai long gaden bilong ropwain bilong yu?

49 Na em i kamap we Bikpela long gaden bilong ropwain i bin tokim wokman bilong em: Yumi i go daun na katim ol diwai long gaden bilong ropwain na tromoi ol long paia, olsem ol bai i no inap bagarapim graun bilong gaden bilong ropwain bilong mi, long wanem, mi bin wokim olgeta wok long lukautim gaden bilong ropwain. Wanem moa mi bai wokim long gaden bilong ropwain bilong mi?

50 Tasol, lukim, wokman i bin tokim Bikpela long gaden bilong ropwain: Givim liklik moa taim long em.

51 Na Bikpela tok: Ye, mi bai givim liklik moa taim, long wanem, mi sore olsem mi bai lusim ol diwai long gaden bilong ropwain bilong mi.

52 Olsem na, yumi rausim ol han bilong diwai oliv long ples mi bin planim long arere tru long gaden bilong ropwain, na yumi pasim antap ol long mama diwai long we ol i bin kam, na yumi rausim long diwai oliv ol han diwai ol i bin karim prut i save pait nogut tru, na pasim antap tru tru han diwai bilong em long ples bilong em.

53 Na mi bai wokim dispela olsem diwai bai i no inap idai, olsem mi bai lukautim i stap long mi yet ol as bilong em long wok bilong mi yet.

54 Na, lukim, ol as bilong han tru tru diwai bilong em mi bin planim long wanem hap mi laikim i stap laip yet, long wanem, olsem mi bai lukautim i stap long wok bilong mi yet, mi bai kisim sampela han diwai bilong dispela diwai, na mi bai pasim antap long han diwai long ples. Ye, mi bai pasim antap long ol han diwai bilong mama diwai bilong ol, inap long mi bai lukautim ol as bilong diwai tu mi yet, olsem taim ol i kamap strongpela, olsem ol bai karim gutpela prut long mi, na mi bai amamas yet long prut long gaden bilong ropwain bilong mi.

55 Na em i kamap we ol tupela i bin kisim ol han diwai bilong tru tru diwai i bin kamap wail pinis, na pasim antap long tru tru diwai i bin kamap wail tu.

56 Na tu ol tupela i bin kisim long tru tru diwai i bin kamap wail, na pasim antap long mama diwai bilong ol.

57 Na Bikpela long gaden bilong ropwain i bin tokim wokman: Noken rausim ol wail han diwai long diwai, tasol rausim ol han diwai we prut i save pait nogut tru, na yu bai pasim antap ol han diwai long ol olsem mi bin tok.

58 Na mipela bai givim kaikai gen long ol diwai long gaden bilong ropwain, na mipela bai katim ol han diwai bilong em, na mipela bai rausim ol han diwai long ol diwai i bin kamap lapun tru, inap long idai, na tromoi ol long paia.

59 Na mi wokim dispela olsem, ol as bilong diwai bai kisim strong bikos ol diwai i gutpela, na bikos ol han diwai mipela i bin senisim, inap long ol gutpela han diwai bai winim ol han nogut diwai.

60 Na bikos mi bin lukautim i stap ol tru tru han diwai wantaim as bilong ol, na olsem mi bin pasim gen ol han tru tru diwai long mama diwai, na mi bin lukautim i stap as bilong mama diwai bilong ol, olsem ol diwai long gaden bilong ropwain bilong mi bai karim gutpela prut gen; na olsem mi bai amamas nogut tru bikos mi bin lukautim i stap as wantaim ol han diwai bilong nambawan prut—

61 Olsem na, go na singautim ol wokman, olsem mipela bai strong long wok long gaden bilong ropwain, olsem mipela bai redim rot, olsem mi bai kisim kam prut tru tru we dispela prut tru tru em i gutpela na dia tumas tru long winim olgeta narapela prut.

62 Olsem na, yumi go na wok wantaim olgeta strong bilong mipela long dispela laspela taim, long wanem, lukim, arere long taim i kam klostu, na mi bai katim ol han diwai nabaut long gaden bilong ropwain bilong mi long dispela laspela taim.

63 Pasim antap ol han diwai; i stat long laspela olsem ol bai kamap nambawan, na olsem nambawan bai kamap laspela, na brukim graun raun long diwai, lapun wantaim yangpela, nambawan wantaim laspela; na laspela wantaim nambawan, olsem olgeta bai kisim kaikai gen long laspela taim.

64 Olsem na, brukim graun raun long ol, na katim ol han diwai bilong ol, na putim pekpek bilong enimol raun long ol long wanpela moa taim, long laspela taim, long wanem, arere long taim i kam klostu. Na sapos ol dispela laspela han diwai mi bin pasim antap bai kamap bikpela, na karim prut tru tru, yupela mas redim rot bilong ol, olsem ol bai kamap bikpela.

65 Na taim ol i stat long kamap bikpela, yupela bai rausim dispela ol han diwai i karim prut save pait olsem long strong bilong gutpela na bikpela bilong ol, na yupela bai i no inap rausim nogut han diwai bilong ol long wanpela taim, nogut ol as bilong ol bai kamap strongpela tru long pasim antap, na ol han diwai i bin pasim antap bai idai, na mi bai lusim ol diwai long gaden bilong ropwain bilong mi.

66 Long wanem, mi sore olsem mi bai lusim ol diwai long gaden bilong ropwain bilong mi, olsem na,yupela bai rausim ol han nogut diwai taim ol gutpela han diwai kamap bikpela, inap long as wantaim antap bai kisim wankain strong, i go inap long gutpela han diwai bai winim nogut han diwai, na katim ol nogut han diwai na tromoi ol long paia, olsem ol bai i no inap bagarapim graun long gaden bilong ropwain bilong mi, na mi bai brumim ol han nogut diwai long gaden bilong ropwain bilong mi, olsem.

67 Na mi bai pasim antap gen, ol han diwai bilong tru tru diwai i go long narapela tru tru diwai.

68 Na mi bai pasim antap ol han diwai bilong diwai tru tru; i go long han tru tru bilong diwai, na mi bai bungim ol wantaim gen olsem, inap long ol bai karim prut tru tru, na ol bai kamap wanpela.

69 Na ol han nogut diwai bai yumi tromoi ol i go aut, ye, tru tumas long olgeta graun long gaden bilong ropwain bilong mi, long wanem, lukim, mi bai katim ol han diwai long wanpela moa taim tasol.

70 Na em i kamap we Bikpela long gaden bilong ropwain i bin salim wokman bilong em, na wokman i bin go na wokim olsem Bikpela i bin tokim em, na kisim kam ol narapela wokman tasol ol wokman i no planti.

71 Na Bikpela long gaden bilong ropwain i bin tokim ol: Go na wok long gaden bilong ropwain wantaim olgeta strong bilong yupela. Long wanem, lukim, dispela i laspela taim we mi bai givim kaikai long gaden bilong ropwain bilong mi, long wanem, arere bilong taim i kam klostu, na taim i kamap hariap tru, na sapos yupela wok hat wantaim mi, yupela bai amamas long prut bilong diwai em mi bai lukautim i stap long mi yet long bihain taim na dispela taim bai kam hariap tru.

72 Na em i kamap we ol wokman i bin go na wok wantaim olgeta strong bilong ol, na Bikpela long gaden bilong ropwain i bin wok wantaim ol, tu na ol wokman i bin bihainim ol lo bilong Bikpela long gaden bilong ropwain long olgeta samting.

73 Na ol prut tru tru i stat long kamap gen long gaden bilong ropwain, na ol han tru tru diwai i stat long kamap bikpela stret, na ol wokman wantaim Bikpela i stat long rausim ol wail han diwai na tromoi ol i go aut, na ol i bin lukautim as wantaim antap bilong diwai tru tru long kisim wankain strong olsem long strong bilong ol.

74 Olsem na ol i bin wok wantaim olgeta strong, olsem Bikpela long gaden bilong ropwain i bin tok, i go inap long ol han nogut diwai bai ol i tromoi go aut long gaden bilong ropwain, na Bikpela i bin lukautim i stap long em yet i go inap long ol diwai i bin karim prut tru tru, na prut tru tru wantaim mama tru tru diwai i bin kamap wanpela diwai, ol prut i bin kamap wankain, na Bikpela long gaden bilong ropwain i bin lukautim long em yet ol prut tru tru, we dispela prut i bin kamap i dia tumas tru long em long i stat tru.

75 Na em i kamap we taim Bikpela long gaden bilong ropwain lukim olsem ol prut bilong em i kamap gutpela, na olsem gaden bilong ropwain bilong em i no moa kamap nogut, em singautim ol wokman bilong em, na tokim ol: Lukim, mipela i bin givim kaikai long gaden bilong ropwain bilong mi long dispela laspela taim, na yupela lukim olsem mi bin wokim wanem mi laikim, na mi bin lukautim i stap prut tru tru, inap long em i kamap gutpela tru tumas wankain olsem long i stat tru. Na bles yu, bikos yupela i bin wok strong wantaim mi long gaden bilong ropwain bilong mi na bihainim ol lo bilong mi, na i bin kisim kam gen long mi ol prut tru tru, na gaden bilong ropwain bilong mi i no moa kamap nogut, na ol han nogut diwai mi bin tromoi ol i go aut, lukim yupela bai amamas wantaim mi bikos long ol prut long gaden bilong ropwain bilong mi.

76 Long wanem, lukim, mi bai lukautim i stap prut long gaden bilong ropwain bilong mi long mi yet longpela taim bihain taim na dispela taim i kam hariap tru, na mi bin givim kaikai long lukautim gaden bilong ropwain bilong mi long laspela taim, na mi bin katim ol han diwai nabaut, na brukim graun raun long em, na givim pekpek bilong enimol raun long em, olsem na, mi bai lukautim i stap long mi yet ol prut bilong em longpela taim, olsem mi bin tok.

77 Na mi bai bungim ol gutpela prut wantaim ol prut nogut, taim ol prut nogut kamap gen long gaden bilong ropwain bilong mi, na mi bai lukautim i stap long mi yet ol gutpela prut, na mi bai tromoi go aut ol prut nogut long ples bilong ol yet. Na taim long arere bai kam, we mi bai kukim gaden bilong ropwain bilong mi wantaim paia.