1 Na em i kamap we insait long dispela wankain krismas, wanpela bikpela pait i stat gen namel long ol lain bilong Nifai na ol lain bilong Leman. Na bikos mi yangpela, tasol skin bilong mi i bikpela, olsem na, ol pipol bilong Nifai ol i bin makim mi long kamap lida bilong ol, o lida long ami bilong ol.

2 Olsem na, em i kamap we mi bin kamap lida bilong ami long ol lain bilong Nifai long pait wantaim ol lain bilong Leman taim krismas bilong mi i kamap wanpela ten sikis krismas, na tri handret na tupela ten sikis krismas i pinis olsem.

3 Na em i kamap we long tri handret na tupela ten seven krismas, ol lain bilong Leman ol i bin strong nogut tru long kamap long mipela, inap long ol i bin poretim ol ami bilong mi, olsem na ol no laik pait, tasol ol i stat long go bek long graun long hap bilong not.

4 Na em i kamap we mipela i bin kam long siti bilong Angola, na kisim dispela siti, na redi long pait long banisim mi yet long ol lain bilong Leman. Na em i kamap we mipela banisim siti wantaim olgeta strong bilong mipela, na inap mipela i bin banisim gut tru, tasol ol lain bilong Leman ol i bin kamap long mipela na ranim mipela go aut long siti.

5 Na ol i ranim mipela go aut long graun bilong Devit tu.

6 Na mipela wokabaut na kam long graun bilong Josua long arere long wes long nambis.

7 Na em i kamap we mipela hariap tru long bungim ol pipol bilong mipela, olsem mipela bai bung wantaim ol long wanpela bodi.

8 Tasol lukim, ol stil lain wantaim ol lain bilong Leman ol i bin pulap long graun, na inap bikpela bagarap tru i bin wetim ol, tasol ol i no tanim bel long pasin nogut bilong ol, olsem na, blut wantaim bagarap i bin karamapim olgeta pes bilong graun, long sait long ol lain bilong Nifai na tu long sait long ol lain bilong Leman, na em i bin go raun long olgeta pes bilong graun.

9 Na nau, ol lain bilong Leman ol i bin gat wanpela king, nem bilong em Eron, na em i kamap long mipela wantaim fopela ten foa tausen ami bilong em. Na lukim, mi bin strong long em wantaim fopela ten tu tausen ami bilong mi. Na em i kamap we mi winim em wantaim ami bilong mi olsem na em i ronawe long ai bilong mi. Na lukim, olgeta long dispela samting i bin kamap, na tri handret na tripela ten krismas i pinis.

10 Na em i kamap we ol lain bilong Nifai i stat long tanim bel long pasin nogut bilong ol, na ol i stat long krai olsem profet Samuel i bin profesai, long wanem, nogut wanpela man inap long kipim samting bilong em, bikos ol stil lain, ol lain bilong kilim man, blak pawa na pasin masalai i bin i stap long graun.

11 Olsem na krai na sore i stat long kamap long olgeta graun bikos long ol dispela samting, tasol moa krai na sore i bin kamap namel long ol pipol bilong Nifai.

12 Na em i kamap we, taim mi, Momon, lukim krai na sore bilong ol na sore bilong ol long ai bilong Bikpela, bel bilong mi i stat long amamas insait long mi, bikos mi save long ol marimari na Bikpela i no save kros kwik, olsem na mi tingim olsem em bai marimari long ol inap long ol bai kamap stretpela pipol gen.

13 Tasol lukim, mi amamas nating, long wanem, sore bilong ol i no long tanim bel, bikos long gutpela pasin bilong God, tasol em i sore bilong bagarap, bikos Bikpela bai i no inap larim ol long amamas long sin olgeta taim.

14 Na ol i no kam long Jisas wantaim bel bruk na spirit bilong lainim, tasol ol i bin kesim God, na laikim long idai. Tasol ol i bin pait wantaim naip bilong pait long laip bilong ol.

15 Na em i kamap we sore bilong mi i bin kam bek long mi gen, na mi lukim olsem taim long grasia bilong ol i pinis, long skin na long spirit, long wanem, mi lukim ol tausen bilong ol ol i bin kilim ol taim ol i sakim tok tru long God bilong ol, na bungim ol antap long pes bilong graun olsem pekpek. Na tri handret na fopela ten foa krismas i pinis olsem.

16 Na em i kamap we long tri handret na fopela ten faiv krismas, ol lain bilong Nifai i stat long ronawe long pes bilong ol lain bilong Leman, na ol lain bilong Leman ol i bin ronim ol i go inap long ol i kam long graun bilong Jason bipo long ol lain bilong Leman long pasim ol long ronawe bilong ol.

17 Na nau, siti bilong Jason i klostu long graun we Amaron i bin haitim ol rekot bilong Bikpela, olsem ol bai i no inap kisim bagarap. Na lukim, mi bin go olsem Amaron bin tok, na kisim ol plet bilong Nifai, na raitim rekot olsem Amaron i bin tok.

18 Na long ol plet bilong Nifai, mi bin raitim olgeta stori long olgeta pasin nogut na pasin les nogut tru, tasol long ol dispela plet mi no raitim olgeta stori long pasin nogut na pasin les nogut tru bilong ol, long wanem, lukim, pasin nogut na pasin les nogut tru i bin i stap yet long ai bilong mi long taim mi bin kamap bikpela inap long lukim ol pasin bilong ol man.

19 Na sore long mi bikos long pasin nogut bilong ol, long wanem, bel bilong mi i bin pulap wantaim sore long olgeta de bilong mi bikos long pasin nogut bilong ol, tasol, mi save olsem Bikpela bai apim mi long las de.

20 Na em i kamap we long dispela krismas ol lain bilong Leman i bin painim na ronim ol pipol bilong Nifai gen. Na em i kamap we ol i bin ronim mipela i go inap long mipela kam long hap bilong saut long graun ol i bin kolim Sem.

21 Na em i kamap we mipela i bin banisim siti bilong Sem, na mipela bung wantaim planti pipol bilong mipela olsem mipela ken, inap long mipela bai seivim ol long kisim bagarap.

22 Na em i kamap we long tri handret na fopela ten sikis krismas ol i stat long kamap long mipela gen.

23 Na em i kamap we mi bin toktok long ol pipol bilong mi, na tok strong wantaim olgeta strong, olsem ol bai sanap strong long pesim ol lain bilong Leman na pait long ol meri, pikinini, haus na ples bilong ol.

24 Na ol toktok bilong mi i bin sikrapim bel bilong ol liklik long kisim strong, olsem na ol i no ronawe long pes bilong ol lain bilong Leman, tasol ol i sanap strong long pait wantaim ol.

25 Na em i kamap we ami bilong mipela i tripela ten tausen, na mipela i bin pait wantaim wanpela ami long faipela ten tausen man. Na em i kamap we mipela i bin sanap strong long pesim ol inap long ol ronawe long pes bilong mipela.

26 Na em i kamap we mipela i bin ronim ol wantaim ol ami bilong mipela, taim ol i ronawe, na mipela bungim ol gen, na winim ol, tasol strong bilong Bikpela i no i stap wantaim mipela, ye, mipela i bin lusim long pait long strong bilong mipela yet, olsem Spirit bilong Bikpela i no i stap wantaim mipela, olsem na mipela i no strong wankain olsem ol lain brata bilong mipela.

27 Na bel bilong mi i sore bikos long dispela traipela taim tru nogut i bin kamap long ol pipol bilong mi, bikos long pasin nogut na pasin les nogut tru bilong ol. Tasol, lukim, mipela i bin go het long pait wantaim ol lain bilong Leman na ol stil lain bilong Gadianton, i go inap long mipela kisim bek gen ol graun bilong mipela yet.

28 Na tri handret na fopela ten nain krismas i go pas. Na long tri handret na faipela ten krismas, mipela i bin wan bel wantaim ol lain bilong Leman na ol stil lain bilong Gadianton, we mipela i bin brukim na skelim graun bilong mipela yet.

29 Na ol lain bilong Leman i bin givim long mipela graun long hap bilong not, ye, i go inap long graun long liklik nek tru em i gat rot i go long graun long hap bilong saut. Na mipela i bin givim long ol lain bilong Leman olgeta graun long hap bilong saut.