Moromona

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

Moromona

Pene 1
’Ua ha’api’i Amarona ia Moromona nō ni’a i te mau pāpa’a parau mo’a—’Ua ha’amata te ’arora’a i rotopū i te mau ’āti Nephi ’e te mau ’āti Lamana—’Ua rave-’ē-hia atu nā toru ’āti Nephi—’Ua vai noa te mau ’ohipa ’ī’ino, te ti’aturi ’ore, te mau ’ohipa tahutahu, ’e te ’ohipa diabolo. Fātata 321–326 M.M.
Pene 2
’Ua arata’i Moromona i te mau nu’u fa’ehau o te mau ’āti Nephi—’Ua tupu te ha’amani’ira’a toto ’e te taparahira’a ta’ata i ni’a i te fenua—’Ua autā ’e ’ua ’oto te mau ’āti Nephi nō te māuiui i fāri’ihia e te feiā i ’anatemahia—’Ua hope tō rātou mahana nō te fāri’i i te maita’i—’Ua fāri’i Moromona i te mau ’api a Nephi—’Ua haere noa te mau ’arora’a. Fātata 327–350 M.M.
Pene 3
’Ua a’o atu Moromona i te parau nō te tātarahapa i te mau ’āti Nephi—’Ua upo’oti’a rahi rātou ’e ’ua fa’ateitei nō tō rātou iho pūai—’Ua pāto’i Moromona ’ia arata’i ia rātou, ’e ’ua faufa’a ’ore tāna mau pure nō rātou—Te tītau nei te Buka a Moromona i te mau ’ōpū hō’ē ’ahuru ’e ma piti nō ’Īserā’ela ’ia ti’aturi i te ’evanelia. Fātata 360–362 M.M.
Pene 4
’Ua vai tāmau noa te ’arora’a ’e te taparahira’a ta’ata—’Ua fa’autu’a te feiā parauti’a ’ore i te feiā parauti’a ’ore—’Ua rahi atu te parauti’a ’ore i teie taime i te tahi atu taime i roto ia ’Īserā’ela tā’āto’a—’Ua pūpūhia atu te mau vahine ’e te mau tamari’i i te mau ’īdolo—’Ua ha’amata te mau ’āti Lamana i te ha’amou i te mau ’āti Nephi i mua ia rātou. Fātata 363–375 M.M.
Pene 5
’Ua arata’i fa’ahou atu Moromona i te mau nu’u fa’ehau ’āti Nephi i roto i te mau ’arora’a rahi nō te ha’amani’ira’a toto ’e te taparahira’a ta’ata—E fa’aho’ihia mai te Buka a Moromona nō te fa’a’ite pāpū i tō ’Īserā’ela pā’āto’a ē ’o Iesu te Mesia—Nō te ti’aturi ’ore o te mau ’āti Lamana, e ha’apurarahia rātou, ’e ’aita te Vārua e tāparu noa ia rātou—E fāri’i rātou i te ’evanelia nā roto mai i te mau ’Ētene ’ia tae i te mau mahana hope’a. Fātata 375–384 M.M.
Pene 6
’Ua ha’aputuputu atu te mau ’āti Nephi i te fenua ra nō Kumora nō te ’arora’a hope’a—’Ua huna Moromona i te mau pāpa’a parau mo’a i roto i te ’āivi ra o Kumora—’Ua upo’oti’a te mau ’āti Lamana, ’e ’ua ha’amouhia te nūna’a ’āti Nephi—E rave rahi hānere tauatini ta’ata i taparahihia i te ’o’e. Fātata 385 M.M.
Pene 7
’Ua tītau Moromona i te mau ’āti Lamana nō te mau mahana hope’a nei ’ia ti’aturi i te Mesia, ’ia fāri’i i tāna ’evanelia, ’e ’ia fa’aorahia—Te mau ta’ata ato’a ’o tē ti’aturi i te Bibilia, e ti’aturi ato’a ïa rātou i te Buka a Moromona. Fātata 385 M.M.
Pene 8
’Ua ’imi ’e ’ua ha’amou te mau ’āti Lamana i te mau ’āti Nephi—E fa’ahaerehia mai te Buka a Moromona nā roto i te mana o te Atua—’Ua fa’ataehia te mau ’ati rahi i ni’a i te feiā ’o tē fa’atupu i te riri ’ū’ana ’e te mārōra’a i te ’ohipa a te Fatu—E fa’ataehia mai te pāpa’a parau a te mau ’āti Nephi i te mahana nō te parauti’a ’ore rahi, te vi’ivi’i rahi, ’e te tāivara’a. Fātata 400–421 M.M.
Pene 9
’Ua tītau atu Moroni i te feiā ’o tei ’ore i ti’aturi i te Mesia ’ia tātarahapa—Tē poro nei ’oia i te hō’ē Atua nō te mau semeio, ’o tē hōro’a mai nei i te mau heheura’a ’e ’o tē nīni’i mai nei i te mau hōro’a ’e te mau tāpa’o i ni’a i te feiā ha’apa’o maita’i—E fa’aea te mau semeio nā roto i te ti’aturi ’ore—E pe’e mai te mau tāpa’o ia rātou ’o tē ti’aturi nei—’Ua a’ohia te ta’ata nei ’ia fa’a’aravihi ia rātou ’e ’ia ha’apa’o i te mau fa’auera’a. Fātata 401–421 M.M.

Nene’i

Tu’u i te mau fa’a’ūra’a ’e te mau tārenira’a

Tomo i roto nō te fa’a’ohipa

Tu’u i te mau fa’ata’ara’a raro