1 Ang mga pulong ni Kristo, nga iyang gipamulong ngadto sa iyang mga disipulo, ang napulog duha nga iyang gipili, samtang siya mipandong sa iyang mga kamot ngadto kanila—

2 Ug siya mitawag kanila sumala sa ilang ngalan, nga nag-ingon: Kamo motawag sa Amahan pinaagi sa akong ngalan, pinaagi sa hugot nga pag-ampo; ug human kamo makahimo niini kamo makabaton og gahom nga siya nga inyong pandongan sa inyong mga kamot, inyong mahatagan sa Espiritu Santo; ug pinaagi sa akong ngalan kamo mohatag niini, kay ingon niini ang gihimo sa akong apostoles.

3 Karon gipamulong ni Kristo kini nga mga pulong ngadto kanila sa panahon sa iyang unang pagpakita; ug ang pundok sa katawhan wala makadungog niini, apan ang mga disipulo nakadungog niini; ug kutob sa ilang gipandongan sa ilang mga kamot, gikunsaran sa Espiritu Santo.