1 Dagiti balikas ni Cristo, nga imbagana kadagiti disipulona, dagiti sangapulo-ket-dua a pinilina, bayat ti panangipatayna kadagiti dakulapna kadakuada—

2 Ket inawaganna ida babaen ti nagan, a kinunana: Umawagkayonto iti Ama babaen ti naganko, iti napasnek a kararag; ket kalpasan a maaramidyo daytoy maaddaankayonto iti pannakabalin ta siasino man a pangipatayanyo iti dakulapyo, itedyonto ti Espiritu Santo; ket babaen ti naganko itedyonto, ta kasta ti ar-aramiden dagiti apostolko.

3 Ita imbaga ni Cristo dagitoy a balikas kadakuada iti umuna a panagparangna; ket saan a nangngeg ti ummong, ngem nangngeg dagiti disipulona; ket kas iti kaadu dagiti nangipatayanda kadagiti dakulapda, naited kadakuada ti Espiritu Santo.