1 Ang pamaagi sa ilang mga anciano ug mga pari sa pagpangalagad sa lawas ug dugo ni Kristo ngadto sa simbahan; ug gipangalagad nila kini sumala sa mga sugo ni Kristo; mao nga kami nasayod nga ang pamaagi tinuod; ug ang anciano o pari ang nangalagad niini—

2 Ug nangluhod sila uban sa mga sakop sa simbahan, ug nag-ampo sa Amahan pinaagi sa ngalan ni Kristo, nga nag-ingon:

3 O Dios, ang Amahan sa Kahangtoran, kami mangayo kanimo pinaagi sa ngalan sa imong Anak, nga si Jesukristo, sa pagpanalangin ug pagbalaan niining pan alang sa mga kalag sa tanan nga moambit niini; nga sila mokaon agi og paghinumdom sa lawas sa imong Anak, ug mosaksi nganha kanimo, O Dios, ang Amahan sa Kahangtoran, nga sila matinguhaon nga modala diha kanila sa ngalan sa imong Anak, ug sa kanunay mohinumdom kaniya, ug mosunod sa iyang mga sugo nga iyang gihatag kanila, nga sila sa kanunay makabaton sa iyang Espiritu uban kanila. Amen.