1 Mënyra sesi pleqtë dhe priftërinjtë administronin mishin dhe gjakun e Krishtit ndaj kishës; dhe ata e administronin atë sipas urdhërimeve të Krishtit; prandaj ne e dimë se mënyra është e vërtetë; dhe plaku ose prifti e administronin atë—

2 Dhe ata uleshin në gjunjë me pjesëtarët e kishës dhe i luteshin Atit, në emrin e Krishtit, duke thënë:

3 O Perëndi, Ati i Amshuar, ne të kërkojmë ty në emër të Birit tënd, Jezu Krishtit, t’u bekosh e t’u shenjtërosh këtë bukë shpirtrave të të gjithë atyre që marrin prej saj, që ata të mund të hanë në kujtim të trupit të Birit tënd dhe të mund të të dëshmojnë ty, O Perëndi, Ati i Amshuar, se ata janë të gatshëm të marrin mbi vete emrin e Birit tënd dhe gjithmonë ta kujtojnë atë e të zbatojnë urdhërimet që ai u ka dhënë atyre, që të mund të kenë gjithmonë Shpirtin e tij me ta. Amen.