1 Me chelechang ak melekoi el kirel a techolb. Kamosang, a re elders, me a re priest me a re teachers a miltecholb; engdi dimlak bo le metecholb a lemlak le borengii a rodech lochotii el kmo tir a mla mo keldmokl el kirel.

2 E direk el dimlak le kengei er a ngii di le chad el mo metecholb a lemlak le mei loba ngariou e oumekikngit el reng, e bo lecholt el mo er a ikelesia el kmo tir a merang el mla mo mekngit a rengrir el kirel a rokui el knglerir.

3 E dimlak a le kengei er tir el mo metecholb, alsekum eng dimlak lenguu a ngklel a Kristo, el tibir er a rengrir el mo mesiou er ngii el mo er a ulebongel.

4 Ea uriul er a bla le metecholb, e bla le nguu me le mekikiid er a klisiichel Edaol Reng, e tir a mlo ulecherangel luldak er a rechad er a ikelesia er a Kristo; me a ngklir a milluches, me lak lobes er tir e lolisiich er tir er a ungil tikingel a Dios, lomtebechel er tir er a melemalt el rael, lomes er tir me le blechoel meluluuch, lultuil er a ditang el klisiichel a Kristo, el ngii a uchul e ulebengelel a klaumerang er tir.

5 Me a ikelesia a blechoel el mo kldibel, el mo olsengerenger e mo meluluuch, e mengedecheduch er a ta me a ta er tir el kirel a rolel osebelel a delbengir.

6 Me te di blechoel el mo kldibel e mo melai er a blauang me a bino, er omeltkel a Rubak el Jesus.

7 Te mle blak a rengrir lomes me lak a mekngit el duubech er a dlongelir; e ngikei el le biltik er ngii el ngar er a klengit, ea retedei el sioning er a ikelesia le beketeklii a telemellir er mederir a re elders er a ikelesia, ea lsekum eng diak bo le mekngit a rengrir er a kenterir, e le kengei el kirel, ea ngklir a melsuld, e tir a mo diak lulecherangel er a rechedal a Kristo.

8 Engdi a lsekum te mle blechoel merang el ngarngii er a rengrir louuchel a rengrir er a kngterir, e te musubes.

9 Me a ongdibel er tir a luleked a ikelesia loltirakl a teletelel a urerel a Reng, me a klisiichel Edaol Reng; le klisiichel Edaol Reng a ulemekrael er tir a bo lolisechakl, me a lechub e blo lolisiich a reng, me a lechub e bo loluluuch, me a lechub e blololengit, me a lechub e blo longitakl, a ngii di le ngerang a milkedmokl.