A Babier Er A Moroni

1 Me chelechang e ngak el Moroni ruriul er a ak merekong el lomekuak a cheldechedechal a rechedal a Jared, eng mle uldesuek el mo merek el meluches, engdi dirkak mad, e omart er ngak er a rechedal a Laman le te mo el tomellak.

2 Le mekemederir a kmal merengelang er a di delongelir; meng ngesechel a rengrir e tomekeuad er a rokui el chedal a Nephi el diak lotngeklii a Kristo.

3 Me ngak el Moroni a diak el sebechek el lotngeklii a Kristo; me a uchul ak di merorael el mo er ker me ker el mo sebechek losebelii a klengar er ngak.

4 Me a le uai sei, e ak mo meluches a lmuut el bebil er a tekoi, el diak le uaia mle uldesuek; le kulemdasu el kmo ng merekong el dikea kuluches, engdi ngak a mo lmuches a lmuut el di mekesai el tekoi, me a ltae ng mo er ngii a belkul el mo er a rodam er ngak el rechedal a Laman er a ngarmedad el klebesei, el mo oltirakl er a uldesuel a Rubak.