1 Me chelechang, e ngak a melekoi el kirir tirkei el diak el oumerang er a Kristo.

2 Kamorrenges, ko mo oumerang er sel sils er a belsechel odingel el mei er kemiu, kamorrenges, sel le mei a Rubak, oi, sel klou el sils el bluulechad a mo meiuul el uaia babier, me a rokui el tekoi a di mo mosoasech ra mesisiich el kleald, oi, risei el klou el sils el bo mengai el mo dechor er medal a Ngeask el Sib er a Dios, ke mo melemolem el kmo ng diak a Dios?

3 Misei e kau ke mo melemolem el otngeklii a Kristo, me a lechub eng sebechem el mesang a Ngeasek el Sib er a Dios. Chomomdasu eng sebechem el mo kiei el obengkel e ungil medengei a kentim? Chomomdasu eng sebechem el mo dmeu a rengum el kiei el obengkel a chedaol Ngar, alsekum a reng er kau a selechesech er a uldesuem er a kentim er a rokui el llechul el kau a mla tomall?

4 Kamorrenges, ak mesubed er kemiu el kmo, komelmuut el kmal mo chuarm chobo mobengkel a chedaol e melemalt el Dios, di momdasu a klikingelem er medal, er a chobo mobenterir a redelbeakl deleb el ngar er a beluu er a ringel.

5 Le kamosang, sei el bo mosekau el di meau er medal a Dios, me a klebkall er a Dios, me a klechedaol er a Jesus Kristo, eng mo mekerdii a diak le mad el ngau er a rengum.

6 Ea, me a leuaisei e kemiu el diak moumerang, mobult el mo er a Rubak; le mei a rengmiu lolengit el mo er a Edam loba ngeklel a Jesus, me boel sebechem el mo chemolt el beches, e klikiid, e ungil, e becheleleu, le ke mla mekikiid er a resechel a Ngeasek el Sib, er sei el klou e uriul klebesei.

7 Me chelechang ak lmuut el melekoi er kemiu el diak moumerang chocholt er a Rubak el kmo, ng mla mo diak, chocholt, me a ulaoch, me a sengk, me a omekungil, me a omelekoi a ngodech el tekoi, me a oidel omelekoi el ngodech el tekoi;

8 Kamorrenges e kulekoi er kemiu, ngikei el diak el oumerang a ikang el tekoi, a diak lodengei osisecheklel a Kristo; oi, ng dirkak el onguiu a chedaol llechukl, me a bla longuiu eng diak lodengei.

9 Le kid ng diak donguiu el kmo, a Dios a diosisiu er chelii me chelechang, me a cherechar meng diak a ngodech er ngii, me a lechub e lorael mo ngodech?

10 Me a lsekum e kau a di mle kau lomdasu er a Dios el mo ngodech, me a lechub eng merael mo ngodech, e kau a di mlo kau lomdasu er a Dios el ngii a diak el Dios er a ongasireng.

11 Engdi ak mo ochotii er kemiu a Dios er a ongasireng, el Dios er a Abraham, e Dios er a Isak, e Dios er a Jakob; el ngii osisiu el Dios el milebii a ianged me a chutem, me a rokui el tekoi el ngarngii.

12 Kamosang, ng milebii a Adam, e uleak a Adam ea chad a rirebet. Meng rebet er a chad a uchul meng mlei a Jesus Kristo, el Edam e Ngalk; meng Jesus Kristo uchul eng mlei oseblel a chad.

13 Meng mlo sebechel mo suobel a chad loiak a Jesus Kristo e mengai el mo er a medal a Rubak; oi, tiaikid sel luchul ea rokui el chad a mo suobel, leng kodellel a Kristo uchul eng morngii okiis er a kodall, el mlo uchul okiis er a diak a ulebngelel cheliuaiu, el ngii el cheliuaiu a bol bekiis er ngii a rokui el chad loiak a klisiichel a Dios, sei el lebo er ngii a ngerel a trombetang me bol bekiis; a remekekerei me a remeklou a rokui el mo dechor er medal le te mla suobel el mekedoked er a rengedel a diak a ulebengelel kodall, el ngii el kodall a kodall er a tech.

14 E solang e ngii a meremang er tir a kerrekeriil er a Ditang el Edaol; meng mocha temel el tirkei el kikiongel a di merekong el kikiongel; me tirkei el melemalt a di merekong el melemalt; me ngikei el dmeu a rengul a di merekong el dmeu a rengul; me ngikei el ngar er a klengit el reng a di merekong er ngar er a klengit el reng.

15 Me chelechang e kemiu er rokui el di mle kemiu el medesuii a Dios el dikea loruul a mengasireng, kuker re kemiu, a ikang er rokui el tekoi ng mla mo merek, a ikang el bla kulekoi? Ng mla mei a ulebongel? Mrenges e kulekoi er kemiu, ng diak; a Dios a dirkak bolak el Dios er a ongasireng.

16 Kamosang, a tekoi el ongasireng el bla le ketmokl a Dios ng diak lungil er a osenged? Oi, e techa sebechel mo medengei a mengasireng el urrerel a Dios?

17 Ng techa sebechel melekoi el kmo ng dimlak el tekoi el chelid se er a di el tekoi er a ngerel ea ianged me a bluulechad a mlo er ngii; e di mle klisiichel a tekoi er a ngerel ea chad a ulebeob er a chebechab er a chutem; meng di klisiichel a tekoi er a ngerel eng mo er ngii ongasireng.

18 E techa sebechel kmo Jesus Kristo dimlak loruul a betok el meklou el tekoi el chelid? E mla er ngii a betok el meklou el tekoi el chelid el dilubech er a chimorir a re apostol.

19 Me a lsekum eng mla er ngii a tekoi el chelid el dilubech er a nga er a mong, e ngerang me a Dios a dikea el Dios er a tekoi el chelid e dirk sebechel diak bo le ngodech el ngar? Me morrenges a kulekoi er kemiu, ng diak bo le ngodech; le bo le uaisei eng mo diak el Dios; e Ngii a diak bolak el Dios, el Dios er a tekoi el chelid.

20 Ea uchul meng mo diak loruul a tekoi el chelid er a delongelir a rechad ngii el tir a mo mechitechut e diak el oumerang, e mor cheroid er a merang el rael, e modiak lodengelii a Dios el ngii a kirir el mo oumerang er ngii.

21 Kamorrenges, ak melekoi er kemiu el kmo, ngikei el mo oumerang er a Kristo, el diak a ngera el loumededenger er ngii, a ngii di le ngerang lolengit er a Edam lobang ngklel a Kristo a bo le bsang; e tiang el telbiil a mo er a rokui, el molmuut er a ulebongel me a ulebongel er a beluulechad.

22 Le kamosang, a Jesus Kristo el Ngelekel a Dios a dilung el mo er a roderchelel el mle kirir el di kiei, oi, el mo er a rokui el oderchelel, mlorenges er a rubdois: Bo er a beluulechad er rokir e molisechakl er a ungil chais el mo er a rokui el ngar;

23 E ngikei el mo oumerang e metecholb a mo suobel, engdi ngikei el diak bo loumerang a mo delbeakl;

24 Me a ikakid el olangch a mo okiuellir tirkei el mo oumerang. Tir a mo obang a ngklek loltobed a diablong; tir a mo melekoi a ngodech el tekoi; tir a mo orreked a bersoech; me a lengim a ngii di lomekodall eng diak le mekesakl; ea lomor a chim er a resmecher e te mo ungil;

25 Ea ngii di le chad el mo oumerang er a ngklek, el diak a ngera el oumededenger er ngii, ngikei a bo kuterekokl a rokui el tekingek, el mo er a ulebongel me a ulebongel er a beluulechad.

26 Me chelechang, e momes, ng techang a sebechel el omtok a urerel a Rubak? Ng techa sebechel otngakl a tikingel? Ng techa mo mekiis el mo omtok er a imong el klisiichel a Rubak. Ng techa mo oltuub a tikingel a Rubak? Ng techa oltuub er a rengelekel a Kristo? Morrenges kemiu er rokui el oltuub a urerel a Rubak, le ko mo oumededenger e mo nguemed.

27 Me a le uaisei e lak moltuub, e lak moumededenger, e bai morrenges a tekingel a Rubak, e molengit er a Edam el obang a ngklel a Jesus el kirel a ngii di le ngerang el mousbech. Lak moumededenger, e bo moumerang, e momuchel di uai irechar, e mei er a Rubak er a rengum er rokir, e moureor el kirel a rolel e kau a mosuobel el obang a dakt me a britel er medal.

28 Bo mungil el omdasu el kirel a temem el di ble multab; mngai a bedengem er a rokui el kikiongel; lak molengit el ultuil er a nglebokelreng, e molengit loba diak el mesim el klisiich, me lako mrebet er a ongitikaik, e bai bo mosiou er a merang e ngar el Dios.

29 Kele bo metecholb alsekum kau a diak bomkeltmokl; kele bochu molai er a chedal belsoil er a Kristo a lsekum kau a diak bomkeltmokl; bo mkerekikl el mo keltmokl el kirel a rokui el tekoi el moruul, e moruul lobang a ngklel a Jesus Kristo, el ngelekel a ngar el Dios; ea lsekum e kau a mo oltirakl a ikang e outekangel el mo er a ulebongel, eng diak rolel e bo mechoit.

30 Kamosang, ak melekoi er kemiu el di uaia blak mad; lek medengei el kmo kemiu a mo remenges a tikingek.

31 Lak moltuub er ngak ra chelitechetuk, me a lechub ea demak ra chelitechetul, me a lechub e tirkei el melluches ruchei er ngii; e bai moureng a sulel a Dios el mla ocholt er kau a elitechetemam, meng mo sebechem el mesuub el mo mellomes a rengum loeak kemam.

32 Me chelechang e momes, aki mla luchesii tiang el rekord loltirakl a klemedengei er kemam, el ousbech a llechukl el kimomekedong el kmo ng beches lomelechesel a llechukl er a Egipten, el mle uldelid, e kemam a ngilodech el mlo oltirakl a teletelel a tekoi el kimolekoi.

33 Engdi cholekum a tibereberk el klalo el kimullab a liluut el mle meklou, ea kimlo meluches el tekoi er a Hebrew; engdi tekoi er a Hebrew a direk el kimngilodech; me a chomko kimilluches el tekoi er a Hebrew, eng mlo diak a le mekngit er ngii a rekord er kemam.

34 Endi Rubak a medengei a tekoi el ki bla mluches, e direk el diak a rengodech el chad el medengei a tikingam; me a le uaisei el diak a rengodech el chad el medengei a tikingam, e nguchul meng Ngii a kildmeklii a mo rolel oidel.

35 Me a ikang el tekoi a melluches el mlo uchul eng mo diak bo le bechesechusem a bilam er a resechir a rodam er kemam el di mirrael mo diak el oumerang.

36 Me kamosang, a ikang el tekoi el somam el kirir a rodam er kemam, oi, a luut er tir el mo er a klemedengei er a Kristo, a oltirakl a nglunguchir a rokui el santo el mla kiei er a beluu.

37 Me bol sebechel a Rubak el Jesus Kristo el kongei me bol sebechel morenges a nglunguchir el kirel a klaumerang er tir, e bol sebechel a Dios el Edam el lotkii a telbiil el le kildmeklii lobengkel a blai er a Israel; me bol sebechel lomekngeltengat er tir el mo cherechar loeak a klaumerang er a ngklel a Jesus Kristo. Boluaisei.