A Babier Er A Mormon

1 Me chelechang e ngak, el Mormon, a rullii a rekord er a tekoi el blakues e mla remenges, me a kumekedong er ngii el Babier er a Mormon.

2 Me a chouatiaikid el taem er a Ammaron er a le bart a rekord lultuil er a Rubak, eng mlei er ngak, (ngak a bekord ngara truich a rekik, me a kmla omuchel mesuub a ikel kora teletelel a suobel er a rechedak) me a Ammaron a diluer ngak: A kumes e kau a chelellakl el ngalk, e mereched el mo omtab;

3 A le uaisei, e sel bekord ngara lluich me a euang a rekim, eng soak chobomlatk a tekoi el blamues el kirir tirkael chad; me sel bochael turk er seikid a rekim e bo er a beluu er a Antum, er a ked el mo chokodongall el Shim; le seikid a blakbechei el mo er a Rubak a rokui el chedaol llechukl el kirir tirkael chad.

4 Me kamorrenges, ke mo ngmai a tibereberk el kloklel a Nephi me kolab, ea ikel mo medechel chodibechei er a cholsechelel le ngarngii; e kau a mo chomotk er a tibereberk el kloklel a Nephi a ikel rokui el tekoi el blamues el kirir tirkael chad.

5 Me ngak el Mormon el resechel a Nephi, (ma demak a ngklel a mle Mormon), ak mlo dobedebek a tekoi el Ammaron a dilung er ngak.

6 Me a ta er a klebesei, er a le truich me a tang a rekik, eng ngilikak a demak el mo er a beluu er a dims, el mlo er a beluu er a Zarahemla.

7 A bebul a beluu er rokir a dimle meseked er a blai, me a rechad a dimle kmeed el moa ildisel a chelechol er a daob.

8 Me a ta er a klebesei er a chelsel tiael rak eng mlo omuchel a mekemad er a dlongelir a rechedal a Nephi, el tir a mle uldimukl er a rechedal a Nephi me a rechedal a Jakob, me a rechedal a Josef, me a rechedal a Zoram; e tiael mekemad a mle dlongelir a rechedal a Nephi, me a rechedal a Laman me a rechedal a Lemuel me a rechedal a Ishmael.

9 Chelechang ea rechedal a Laman, me a rechedal a Lemuel, me a rechedal a Ishmael a mle chokodongall el rechedal a Laman, me a erung el chelechad a mle rechedal a Nephi me a rechedal a Laman.

10 Me a ta er a klebesei ea mekemad a mlo omuchel er a delongelir, er a oliochel er a Zarahemla, er bita er a ralm er a Sidon.

11 Me a ta er a klebesei ea rechedal a Nephi a mlo mekideb el mlo obdois a rechad, el mlo engelakl er a okedei el telael. Me a ta er a klebesei eng mlo erngii er a di chelsel tiaikid el rak a betok el klaodechelakl, el rechedal a Nephi a mlo mesisiich er a rechedal a Laman e mlekodeterir a rebetok er tir.

12 Me a ta er a klebesei ea rechedal a Laman a mlo ngodech a uldesuir, meng mloerngii a budech er a chelsel a beluu; me a budech a mlaerngii el klemengetel a bokord euang el rak, meng dimlak a rasech el mechoit.

13 Endi delngerenger a melleketek el roureuir a beluu er rokir, meng mlo uchul ea Rubak a millai er a rebetik er a rengul loderchelel, me a ureor er a tekoi el chelid me a omekungil a mlo diak leng delngerenger er a rechad a uchul.

14 Meng mlo diak a sengk er a Rubak, me a Edaol Reng a mlo diak le mei er bebul a ngii di le chad, le delngerngerir me a ngemedel a klaumerang er tir.

15 Me ngak er a dirke truich me a eim a rekik eng kora mle chelellakl a uldesuek, me a uchul ea kmle modingel er a Rubak, e mlo chormii el mlo medengelii a klungiolel a Jesus.

16 Me ngak a mellasm el mo olisechakl er tirkael chad, endi a ngerek a mlechesimer, me ngak a mlokebai lolise chakl er tir; le kamosang tir a mlo durengrir el mo omtok er a Dios ertir; me a betik er a reng lodruchel a mlengai el tuobed er a beluu, le kenterir a uchul.

17 Endi ngak a di kiliei er a delongelir, endi ngak a mlo kebai lolsisechakl er tir, leng mle medecherecher a rengrir, meng delchercherel a rengrir a uchul me a beluu a meldebeakl el kirir.

18 Me tirkael Gadianton el merechorch, el mle teloi er a rechedal a Laman a ulebriid er a beluu, me a rechad er a bluu a mlo omart a meringelchad el kloklir er a chelsel a chutem; meng mlo mengengmors le Rubak a mla dobeklii a bluu, meng diak el sebechir loreked, me a lechub e lluut el ngmai.

19 Malluut eng mloerngii a olai me a temall, me a omengelil me a ngodech el tekoi; me a klisichel a chad er a mekngit a mloerngii er bebul a beluu er rokir, el di mlotmaut er a rokui el tekingel a Abinadi me a direk el Samuel el chedal Laman.