1 Ngan yana ine nahitabo nga kahuman ni Abinadi magyinakan, an hadi in nagsugo nga dakpon hiya han mga saserdote ngan patayon.

2 Kundi may usa ha ira nga an ngaran amo hi Alma, hiya liwat in tulin ni Nephi. Ngan hiya in usa nga batan-on nga lalaki, ngan natuod hiya han mga iginyakan ni Abinadi, kay maaram hiya han mga tugon nga karatan nga ginpapamatuod ni Abinadi kontra ha ira; sanglit hiya in nagtikang pakimaluoy han hadi nga dire masina kan Abinadi, kundi hiya in tugotan nga palakton hin mahimyang.

3 Kundi an hadi dinugang kasina, ngan nagsugo nga hi Alma in paiwason dida ha ira, ngan nagpadara hin iya mga suruguon para hiya in lanaton agud hiya in patayon.

4 Kundi hiya in kumalagiw tikang ha ira ngan nagtago nga dire hiya mahiagian. Ngan hiya in waray hikit-i hin damo nga adlaw ngan nagsurat han ngatanan nga tugon nga iginyakan ni Abinadi.

5 Ngan ine nahitabo nga an hadi in nagsugo han iya mga bantay nga palibotan hi Abinadi ngan pagdad-on, ngan hiya in ira gingapos ngan iginlabog ha prisohan.

6 Ngan kahuman hin tulo kaadlaw, katapos makisagdon han iya mga saserdote, hiya in nagsugo nga hi Abinadi in dad-on ha iya atubangan.

7 Ngan hiya in nagsiring ngadto ha iya: Abinadi, nahisabotan namon nga may sumbong kontra ha imo, ngan ikaw in kaangayan mamatay.

8 Tungod kay imo iginyakan nga an Diyos ngahaw in malusad ngadto ha anak han katawhan; ngan yana, ha hine nga hinungdan ikaw in kaangayan mamatay labot la kun imo bawion an ngatanan nga magraot nga tugon nga imo ginyakan kontra ha akon ngan han akon mga tawo.

9 Ngan yana hi Abinadi nagsiring ngadto ha iya: Nasiring ako ha iyo, dire ko babawion an mga tugon nga akon ginyakan ngada ha imo mahitungod hine nga mga tawo, tungod kay adto in mga matuod; ngan kun hibaroan niyo an ira kasiguradohan hito, gintugutan ko an akon kalugaringon nga mahulog ngadto han iyo mga pagtimangno.

10 Oo, ngan tutugutan ko bisan ngada ha kamatayon, ngan dire ko babawion an akon mga tugon, ngan adto in matindog nga usa nga testigo kontra ha iyo. Ngan kun iyo ako patayon kamo in magpapaturo hin dugo han usa nga waray sala, nga ine liwat in matindog nga testigo ha iyo ha urhi nga adlaw.

11 Ngan yana hi hadi Noah in andam na nga buhian hiya, kay nahadlok hiya han iya tugon; kay nahadlok hiya ngan an mga paghukom han Diyos in mahingada ha iya.

12 Kundi an mga saserdote in nagdako han ira mga tingog kontra ha iya, hira in nagtikang pag-akusar nga nasiring: Iya ginpakaraot an hadi. Sanglit an hadi in dinugang an kasina kontra ha iya, ngan hiya in iginhatag ha ira agud patayon.

13 Ngan ine nahitabo nga hiya in ira ginkuha ngan gingapos, ngan ginlatigo an iya panit hin kahoy nga binutok, oo, bisan ngadto han kamatay.

14 Ngan yana pagtikang han kalayo pagsunog ha iya, hiya in nanginyupo ngadto ha ira, hin pagkasiring:

15 Kitaa, sugad han iyo ginbuhat ngadto ha akon, ine liwat in mahinanabo ha iyo tulin nga damo in mag-aantos han kasakit nga akon gin-agian, bisan an kasakit han kamatayan pinaagi ha kalayo; ngan ine tungod kay hira in tinuod han katalwasan han Ginoo nga ira Diyos.

16 Ngan ine mahitatabo nga kamo in pagpapakurian han ngatanan nga klase hin sakit tungod han iyo mga karat-an.

17 Oo, kamo in pagkakastigohon bisan diin pumakadto, ngan pagtatabogon ngan pagpapasarangon, bisan sugad han usa nga ihalas nga panon nga gintatabog han mga ihalas ngan mabangis ngan maisog nga hayop.

18 Ngan hadto nga panahon kamo in pagbibilngon, ngan pagdadakupon han kamot han iyo mga kaaway, kamo in mag-aantos, sugad han akon pag-antos, han kasakit han pagkamatay pinaagi han kalayo.

19 Sugad hine an Diyos in maghihimo hin pagbulos hadton mga magpapatay han iya mga tawo. O Diyos, karawata an akon kalag.

20 Ngan yana, an pagyakan ni Abinadi hine nga mga tugon, hiya in natumba, ngan nag-antos han kamatayon pinaagi han kalayo; oo, pinatay tungod kay waray niya igdiwara an mga kasugoanan han Diyos, katapos uyoni an kamatuoran han iya mga tugon pinaagi han iya kamatayon.