Tasal 131
Na’leb’ k’eeb’il xb’aan laj Jose Smith li Profeet, sa’ Ramus, Illinois, 16 ut 17 Mayo 1843.
1–4, Li Choxahil sumlaak aajel ru re xk’ulb’al li taqenaqil loq’al sa’ li choxa q’axal taqenaq; 5–6, Nach’olob’aman xyaalal chan ru naq eb’ li winq neke’tz’ape’ choq’ re li junelik yu’am; 7–8, Chixjunil li musiq’ej wan k’a’ru okenaq wi’.
1 Sa’ li choxahil loq’alil wankeb’ oxib’ chi choxa malaj tasal;
2 Ut re tixk’ul li q’axal taqenaq, jun winq tento taa’ok sa’ li k’anjelil a’in re li tijonelil [a’ li ak’ ut junelikil sumwank re li sumlaak];
3 Ut wi ink’a’ naxb’aanu, ink’a’ naru chixk’ulb’al.
4 Naru na’ok sa’ li jun chik, a’b’anan a’an xraqik lix awa’b’ejihom; ink’a’ naru nawan xk’iijik.
5 (17 Mayo, 1843) Li profeetil aatin q’axal wi’chik xaqxo, naraj naxye naq naxnaw junaq winq naq a’an tz’apb’il choq’ re li junelik yu’am, xb’aan li k’utb’esink ut li musiq’ej re profeetil aatin, xb’aan lix wankil li Santil Tijonelil.
6 Ink’a’ naru naq taakole’q junaq winq chi maak’a’ xnawom.
7 Maak’a’ wan chi maak’a’ okenaq chaq. Chixjunil li musiq’ej wan k’a’ru okenaq wi’, a’b’anan q’axal chaab’il wi’chik, malaj saq wi’chik ru, ut ka’ajwi’ naru chi tz’ile’k rix xb’aan li xnaq’ uhej li q’axal saq wi’chik ru.
8 Ink’a’ naru naqil; a’b’anan naq taasaqob’resiiq ru li qaxaqalil taqil naq wan k’a’ru okenaq chaq chixjunil.