Jekjōn 2
Juon ennaan edik bōk jān bwebwenato an Josep Smith naan ko an enjeļ Moronai n̄an Josep Smith Rikanaan eo, ke ej pād im̧weo im̧ōn jemān Rikanaan eo ilo Manchester, New York, ilo jo̧tiinin Jeptōm̧ba 21, 1823. Moronai eaar āliktata in lain aetoktok in ribwebwenato ro rekar kōm̧m̧an ļo̧o̧k eo ej kiiō pād im̧aan laļ in āinwōt Bok in Mormon. (Keidi Malakai 4:5–6; barāinwōt jekjōn kein 27:9; 110:13–16; im 128:18.)
1, Ilaija ej itōn kwaļo̧k priesthood eo; 2–3, Kallim̧ur ko an ro jemāer rej kalbwini ibūruōn ro nejier.
1 Lo, I naaj kwaļo̧k n̄an kom̧ Priesthood eo, jān pein Ilaija rikanaan eo, m̧okta jān itok eo an raan eo eļap im rōkaammijak an Irooj.
2 Im e naaj kalōlō ilo būruōn ro nejier kallim̧ur ko kar kōm̧m̧ani n̄an ro jim̧m̧aer, im būruōn ro nejier renaaj oktakļo̧k n̄an ro jemāer.
3 Eļan̄n̄e ekar jab āindein, aolepān laļ naaj kar kanooj ko̧kkure ilo itok eo An.