Jekjōn 71
Revelesōn leļo̧k n̄an Josep Smith Rikanaan eo im Sidney Rigdon, ilo Hiram, Ohio, Tijem̧ba 1, 1831. Rikanaan eo eaar wōnm̧aanļo̧k wōt ilo an ukōte Baibōļ eo ippān Sidney Rigdon āinwōt rijeje eo an m̧ae iien eo kar bōke revelesōn in, iien eo me ukok eo eaar likūti ium̧win jidik iien bwe ren maron̄ kōm̧m̧ani naan in jiron̄ ko kar liļo̧ki ijin. Ļōm̧arein ren kar ilo̧k n̄an kwaļo̧k naan bwe ren maron̄ kadikļo̧k en̄jake ko rej jab em̧m̧an rekar jebar ņae Kabun̄ in āinwōt juon waļo̧kin jeje ko kōm̧m̧an in jet lōta ko jeje jān Ezra Booth, eo eaar bun̄ jān tōmak in.
1–4, Josep Smith im Sidney Rigdon kar jilkinļo̧k er n̄an kabun̄bun̄ļo̧k gospel eo; 5–11, Rikōjdat ro an Ro Rekwōjarjar renaaj pok.
1 Lo, āindein Irooj ej ba n̄an ro rikarejera Josep Smith, Jun., im Sidney Rigdon, bwe iien eo em̧ool emoottok im aikuj in im emennin aikuj ilo N̄a bwe kom̧ ro en kōpeļļo̧k lo̧n̄iūmiro ilo kabun̄bun̄ļo̧k gospel eo Aō, men ko an aelōn̄ eo, tipdiki mennin ittino ko ie jān jeje ko rekwōjarjar, ekkar n̄an m̧ōttan eo an Jetōb im kajoor me naaj lewōj n̄an kom̧ro, em̧ool āinwōt Ankilaō.
2 Em̧ool Ij ba n̄an kom̧ro, kabun̄bun̄ļo̧k n̄an laļ ilo jikin ko ipeļaakin ijin, im ilo kabun̄ in barāinwōt, kōn tōrean jidik iien, em̧ool m̧ae naaj kaalikkar e n̄an kom̧ro.
3 Em̧ool en̄in ej mijen eo n̄an jidik iien, eo me Ij lewōj n̄an kom̧ro.
4 Kōn menin, kom̧ro en jerbal ilo jikin kallib eo Aō. Kūr ioon ro rej pād ioon laļ, im jeje ļo̧o̧k in kam̧ool, im kōpooj iaļ eo n̄an kien ko im revelesōn ko me rej itok.
5 Kiiō, lo en̄in ej mālōtlōt; jabdewōt ej kōnono ie, e en meļeļe im bōke barāinwōt;
6 Bwe n̄an eo ej bōk e naaj leļo̧k ekanooj ļapļo̧k, em̧ool kajoor.
7 Kōn menin, kom̧ro en pukwōj rikōjdat ro ami; kūr ioer n̄an iioon kom̧ro jim̧or ilo im̧aan armej im ilo ittino; im toun wōt amiro tiljek aer jook naaj kaalikkare.
8 Kōn menin, kōtļo̧k bwe ren bōk m̧aantak un ko rekajoor aer ņae Irooj.
9 Em̧ool, āindein Irooj ej ba n̄an kom̧ro—ejjeļo̧k kein tariņae kōm̧anm̧an ņae kom̧ro enaaj jeraam̧m̧an;
10 Im eļan̄n̄e jabdewōt armej ej kotak ainikien ņae kom̧ro naaj pukwōj e ilo iien eo Aō make.
11 Kōn menin, kōjparok kien ko Aō; rej m̧ool im tiljek. Em̧ool āindein. Amen.