1 Ko ʻeni ko e ngaahi meʻa ko ia naʻa mou tohi ai kiate au, ʻo pehē, ʻOku lelei ki ha tangata ke ʻoua naʻa ala ki ha fefine.

2 Ka neongo iá, ʻoku ou pehē, koeʻuhí ke taʻofi ʻa e feʻauakí, tuku ke maʻu ʻe he tangata taki taha hono uaifi, pea ke maʻu ʻe he fefine taki taha ʻa hono husepāniti ʻoʻona.

5 ʻOua naʻá mo nofo māvahevahe ʻiate kimoua, tuku kehe ʻo kapau te mo felotoi ki ai ʻi ha taimi siʻi, pea ke mo tuku ʻa kimoua ki he ʻaukai mo e lotu; peá mo toe fakataha mai, koeʻuhí ke ʻoua naʻa ʻahiʻahiʻi kimoua ʻe Sētane ʻi hoʻomo taʻe-faʻa-taʻofi homo lotó.

26 ʻOku ou pehē ʻoku lelei ʻeni ki he meʻa fakamamahi ʻoku hokó, ki ha tangata ke ne nofo toko taha pē koeʻuhi ke ne fai ʻa e lelei ʻoku lahi ange.

29 Ka ʻoku ou lea kiate kimoutolu ʻa ia kuo ui ki he ngāue fakafaifekaú. He ʻoku ou pehē, ʻe kāinga, ko e taimi ʻoku toé ʻoku fuonounou, ke fekauʻi atu ai ʻa kimoutolu ki he ngāue fakafaifekaú. Pea ko kinautolu ʻoku ʻi ai hanau uaifí, ke nau fai ʻo hangē ʻoku ʻikai te nau malí; he kuo ui ʻa kimoutolu pea kuo fili ke mou fai ʻa e ngāue ʻa e ʻEikí.

30 Pea ke pehē foki kiate kinautolu ʻoku tangí, ʻo hangē naʻe ʻikai te nau tangí; pea mo kinautolu ʻoku fiefiá, ʻo hangē naʻe ʻikai te nau fiefiá, pea mo kinautolu ʻoku fakataú, ʻo hangē naʻe ʻikai te nau maʻú;

31 Pea mo kinautolu ʻoku nau ngāue ʻaki ʻa e māmaní, ʻo hangē ʻoku ʻikai te nau ngāue ʻaki iá; he ko e teunga ʻo e māmaní ʻoku mole atu ia.

32 Ka ko hoku lotó, ʻe kāinga, ke mou fakaongoongoleleiʻi ʻa homou uí. Ko hoku lotó ke ʻoua naʻa ʻi ai ha meʻa te mou hohaʻa ki ai. He ko ia ia ʻoku ʻikai malí, ʻoku tokanga ia ki he ngaahi meʻa ʻoku ʻa e ʻEikí, mo e meʻa ke ne fakahōifua ai ki he ʻEikí; ko ia kuo pau ke ne ikuna.

33 Ka ko ia ʻoku malí, ʻoku tokanga ia ki he ngaahi meʻa ʻoku ʻo e māmaní, mo e meʻa ke ne fakafiemālie ai ki hono uaifí; ko ia ʻoku ʻi ai hano faikehekehe, he ʻoku taʻofi ia.