2 Koeʻuhi ke ʻoua naʻa ueʻingofua ʻa homou ʻatamaí, pe puputuʻu ʻi ha tohi, ka ʻi he tohi pē te mou maʻu meiate kimautolu; pe ʻi he laumālie, pe ʻi ha lea, ʻo pehē kuo ofi ʻa e ʻaho ʻo Kalaisí.

3 ʻOua naʻa kākaaʻi ʻa kimoutolu ʻe ha tangata ʻi ha faʻahinga founga; he kuo pau ke tomuʻa hoko ha hē, pea fakahā ʻa e tangata ʻo e angahalá, ko e foha ʻo e malaʻiá;

7 He kuo ngāue ʻa e meʻa lilo ʻo e angahalá, pea ko ia ia ʻokú ne fakahoko iá, pea ʻoku tuku ʻe Kalaisi ke ne fakahoko ia, kae ʻoua ke hokosia ʻa e taimi ke toʻo atu ai ia.

8 Pea ʻe toki fakahā ʻa e tokotaha angakoví, ʻa ia ʻe fakaʻauha ʻe he ʻEikí ʻi he laumālie ʻo hono fofongá, pea fakaʻauha ʻaki ʻa e maama ngingila ʻo ʻene hāʻele maí.

9 ʻIo, ko e ʻEikí, ʻa Sīsū, ʻa ia ʻe ʻikai hāʻele mai kae ʻoua ke hili ha hē, tuʻunga ʻi he ngāue ʻa Sētane mo hono mālohi kotoa pē, mo e ngaahi fakaʻilonga mo e ngaahi meʻa fakaofo loi,