LSS, 1 Samuela 16:14–16, 23 (fakafehoanaki mo e 1 Samuela 16:14–16, 23; naʻe fai mo ha ngaahi liliu tatau ki he 1 Samuela 18:10 mo e 19:9)
(Naʻe ʻikai mei he ʻEikí ʻa e laumālie kovi naʻe ʻia Saulá.)
14 Ka naʻe mahuʻi ʻa e Laumālie ʻo e ʻEikí meia Saula, pea naʻe fakamamahiʻi ia ʻe ha laumālie kovi naʻe ʻikai mei he ʻEikí.
15 Pea naʻe pehē ʻe he kau tamaioʻeiki ʻa Saulá kiate ia, Ko ʻeni vakai, ko e laumālie kovi ʻa ia ʻoku ʻikai mei he ʻOtuá ʻokú ne fakamamahiʻi koe.
16 Tuku ke fekau mai ʻe homau ʻeikí ki hoʻo kau tamaioʻeiki, ʻa ia ʻoku ʻi ho ʻaó, ke kumi ha tangata, ʻa ia ʻoku poto ʻi he tā ʻo e haʻapé; pea ʻe hoko ʻo pehē, ʻo ka hoko mai ʻa e laumālie kovi, ʻa ia ʻoku ʻikai mei he ʻOtuá, kiate koe, pea ʻe tā ʻe ia ʻaki hono nimá, pea te ke moʻui ai.
23 Pea naʻe hoko ʻo pehē, ʻi he hoko ʻa e laumālie kovi, ʻa ia ʻoku ʻikai mei he ʻOtuá, kia Saulá, naʻe toʻo ʻe Tēvita ʻa e haʻapé ʻo ne tā ʻaki hono nimá; naʻe fakafiemālieʻi ai ʻa Saula, pea moʻui ai, pea ʻalu leva ʻa e laumālie koví meiate ia.