1 Kiiō kōn men ko kom̧ ar jejetok kaki n̄an eō, im ba, Em̧m̧an bwe juon em̧m̧aan ej jab un̄ūr juon kōrā.

2 Ijoke, ij ba, n̄an eļļo̧k jān lejān, aolep kajjojo em̧m̧aan en wōr juon kōrā pāleen, im aolep kajjojo kōrā en wōr juon em̧m̧aan pāleen.

5 Kom̧in jab ālikinjepjepik doon, ijello̧kun wōt kōn jidik iien errā kake, bwe kom̧in maron̄ leļo̧k kom̧ n̄an jitlo̧k im jar; im bar kobatok ippān doon, bwe Setan en jab kapo kom̧ kōn ami m̧ōjņo̧.

26 Ij ļōmņak kōn menin bwe em̧m̧an n̄an en̄taan ilo tōre in, n̄an an juon em̧m̧aan pād wōt bwe en maron̄ kōm̧m̧ane eļapļo̧k em̧m̧an.

29 A ij kōnono n̄an kom̧ rekar kūr n̄an jerbal in. Bwe en̄in men eo ij ba, ro jeiū im jatū, iien kiiō ekadu wōt, bwe naaj jilkinļo̧k kom̧ n̄an jerbal in. Em̧ool ro ewōr pāleer kōrā, naaj āinwōt n̄e eaar ejjeļo̧k; bwe kar kūr kom̧ im kāālet kom̧ n̄an kōm̧m̧ane jerbal eo an Irooj.

30 Im enaaj āindein ippān ro rej jan̄, āinwōt n̄e rekar jab jan̄; im ro rej m̧ōņōņō, āinwōt n̄e rekar jab m̧ōņōņō, im ro rej wiaik, āinwōt n̄e ekar jab aer;

31 Im ro rej kōjerbal laļ in, āinwōt n̄e rekar jab kōjerbal e; bwe wāween ko an laļ in rej jako.

32 A in kar kōņaan, ro jeiū im jatū, bwe kom̧in kōļapiļo̧k kūr ko ami. Ikōņaan bwe en ejjeļo̧k ami inepata. Bwe eo ej jab m̧are, ej inepata kōn men ko an Irooj, ekōjkan an maron̄ kabun̄-būruōn Irooj; kōn menin ej anjo̧.

33 A eo em̧ōj an m̧are, e bwiden lali men ko an laļ, ekōjkan an maron̄ kabun̄-būruōn kōrā eo pāleen; kōn menin ewōr juon oktak, bwe e eapan̄.

38 Innãm ãindein bwe ļeo ej leļo̧k e make ilo marre ej kōm̧m̧an em̧m̧an; ak eo ej leļo̧k e make ilo jab marre ej kōm̧m̧an em̧m̧anļo̧k.