JS—Ukok, Exodus 34:1–2, 14. Keidi Exodus 34:1–2, 14; K&B 84:21–26
Anij ej bar jei kien eo ioon tablet dekā ko kar kōpooji jān Moses ak Ej bōke Melkizedek Priesthood eo im kain̄i ko an jān ro nejin Israel. Ej leļo̧k n̄an er kien eo an naan in jiron̄ ko im an kanniōk.
1 Im Irooj eaar ba n̄an Moses, M̧wijtok n̄an eok bar ruo tebōļ dekā, āinwōt eo m̧okta, im Inaaj jeje ioer barāinwōt, naan ko an kien eo, ekkar n̄an aer kar jeje m̧okta ioon tebōļ ko m̧okta kwaar rupi; a en jab āinwōt n̄an eo m̧okta, bwe Inaaj bōkļo̧k priesthood eo jān ilubwiljier; kōn mennin laajrak ekwōjarjar eo Aō, im kain̄i ko ie, reban ilo̧k im̧aer; bwe Ij jamin pād ilubwiljier, n̄e I ab ko̧kkure er.
2 A Inaaj leļo̧k n̄an er kien eo āinwōt eo kar m̧okta, a enaaj ekkar n̄an kien eo an juon naan in jiron̄ an kanniōk; bwe Iaar kanejnej ilo aō libabne, bwe rej jamin deļo̧n̄tok ilo im̧aan Mejā, ilo Aō kakkije, ilo raan ko in aer ito-itak. Kōn menin kōm̧m̧an āinwōt Iaar jiron̄ eok, im kwōn pojak ilo jibbon̄, im wanlōn̄tak ilo jibbon̄ in n̄an toļ Sainai, im jakem̧aantak eok n̄an Eō, ilo jeban toļ eo.
Jeova ekar juon āt eo kake armej in Kallim̧ur Em̧or rekar jeļā Irooj Jisōs Kraist.
14 Bwe kwōn jab kabun̄-jar n̄an bar juon anij; bwe Irooj, eo etan ej Jeova, ej juon Anij ekam̧o.