JS—Ukok, Exodus 4:21. Keidi Exodus 4:21; 7:3, 13; 9:12; 10:1, 20, 27; 11:10; 14:4, 8, 17; Duteronomi 2:30
Irooj ej jab eddo kōn pen in bōro eo an Pero. Lale barāinwōt JS—Ukok, Exodus 7:3, 13; 9:12; 10:1, 20, 27; 11:10; 14:4, 8, 17; kajjojo eoon in jipan̄, n̄e ejim̧we ukok eo an, ej kwaļo̧k bwe Pero ar make kapene būruōn.
21 Im Irooj eaar ba n̄an Moses, N̄e kwōj etal n̄an bar ro̧o̧lļo̧k n̄an Ijipt, lale bwe kwōn kōm̧m̧ani aolep kabwilōn̄lōn̄ ko im̧aan Pero, ko Iaar likūti ilo peim, im Inaaj kōjeraam̧m̧an eok; a Pero enaaj kapen būruōn, im e eban kōtļo̧k armej ro.
JS—Ukok, Exodus 4:24–27. Keidi Exodus 4:24–27
Ke Irooj ej kamijak n̄an m̧ane Moses kōn jab m̧wijm̧wij tu m̧aan in ļeo nejin, Zippora ej dāpij mour eo an jān kōm̧m̧ane kain̄i eo make. Moses ej kwaļo̧k bōrō kōn an jero̧wiwi.
24 Im ālkin men kein, bwe Irooj ar waļo̧kļo̧k n̄an e ke e kar pād ilo ial eo, iturun m̧weo im̧ōn ruwaem̧aejet. Irooj ar illu ippān Moses, im Pein enan̄in kar itōn wōtlo̧k ion, n̄an m̧ane e; bwe e kar jab m̧wijm̧wij tu m̧aan in ļeo nejin.
25 Innām Zippora ar bōk juōn dekā ekkan̄ im eaar m̧wijm̧wij tu m̧aanin ļeo nejin, im joļo̧k dekā eo iturin neen, im ba, Em̧ool kwe kwōj ļeo pālele ebōtōktōk n̄an eō.
26 Im Irooj ar kadeor Moses im kōtļo̧k e, kōnke Zippora, lio pāleen, eaar m̧wijm̧wij tu m̧aanin ajiri eo. Im lio ar ba, Kwe kwōj ļeo pālele ebōtōktōk. Im Moses ar jook, im eaar ņooje mejān jān Irooj, im ba, iaar jero̧wiwi im̧aan Irooj.
27 Im Irooj eaar ba n̄an Aron, Kwōn ilo̧k ilo āne jemaden n̄an iione Moses, im eaar ilo̧k im iione e, im ilo toļ an Anij, ilo tol eo ijo Anij ar waļo̧kļo̧k n̄an e, im Aron ar mejenm̧aik e.