9 Mo Ebram i bin talem: “Lod God. ?Olsem wanem nao bae yu yu givim graon ia long mi olsem wan ples we mi gat raet long hem blong taem we i no gat en?”

10 Mo Lod i bin talem: “Nating we yu ded, ?yu ting se bae mi mi no save givim graon ia long yu?

11 Mo sapos yu yu ded, ?bae graon ia i blong yu yet? from dei ia i stap kam, we Pikinini blong Man bae i laef; ?be olsem wanem nao bae hem i laef sapos hem i no ded? Fastaem, hem i mas kam laef.”

12 Mo i bin hapen se Ebram i bin luk i go, mo i bin luk taem ia blong Pikinini blong Man, mo hem i bin glad, mo sol blong hem i spel, mo hem i bin biliv long Lod; mo Lod i kaontem hemia olsem wan stret mo gud wok blong Ebram.