9 Ka ra sa kaya vua, toro yani. Ia era sa cudruvi koya.

10 Era kaya vei ira vakataki ira, E dua na tamata oqo sa lako mai me tiko vata kei keimami, ia sa vinakata me turaganilewa, ia oqo keimami na cakava vakaca vua ka vinaka cake vei ira.

11 O koya era sa kaya kina vua na tamata, ena soli vei keimami ko ira na tagane, kei ira talega na luvemuni yalewa, ka keimami na vakayacora vei ira na veika e dodonu vei keimami.

12 Ia sa vakaoqo na ca sa tu mai Sotoma.

13 Ka sa kaya kina ko Loti, Raica oqo, sa rua na luvequ yalewa ka rau sa bera mada ni kila na tagane, ia au sa masuti kemudou kina, mo dou vakamasuti ira na wekaqu, meu kakua ni kauti rau mai vei kemudou; ka mo dou kakua ni vakayacora vei rau me vaka sa vinaka e matamudou;

14 Ni na sega ni vakadonuya na Kalou na nona italai ena vuku ni ka oqo; o koya, meu vakamasuti ira mada na wekaqu, me vakadua ga oqo, mo dou kakua ni vakayacora vei ira oqo e dua na ka, me ra kune vakacegu mada ena noqu vale; ni ra sa lako mai ena ruku ni noqu delavuvu.

15 Ia era sa cudru vei Loti ka sa voleka kina ni ra basuka na katuba, ia ko ira na agilosi ni Kalou, ni ra sa tamata savasava, era sa dodoka yani na ligadra, ka dreti Loti yani vei ira ki loma ni vale, ka sogota na katuba.