3 He ko e Melekisēteki ko ʻení naʻe fakanofo ia ko ha taulaʻeiki ʻi he lakanga ʻo e ʻAlo ʻo e ʻOtuá, ʻa ia ko e lakanga ʻoku ʻikai haʻane tamai, pea ʻikai haʻane faʻē, pea naʻe ʻikai hokohoko mai ia ʻi he hako, pea naʻe ʻikai ha kamataʻanga ʻo hono ngaahi ʻahó, pe ha ngataʻanga ʻo ʻene moʻuí. Pea ko kinautolu kotoa pē kuo fakanofo ki he lakanga taulaʻeiki ko ʻení kuo ngaohi kinautolu ke nau tatau mo e ʻAlo ʻo e ʻOtuá pea nau hoko maʻu pē ko e kau taulaʻeiki.

19 He naʻe fakahoko ʻa e fonó taʻe ʻi ai ha fakapapau pea ʻikai fakahaohaoaʻi ai ha meʻa, ka ko hano ʻomi pē ʻo ha ʻamanaki lelei ange; ʻa ia ʻoku tau ʻunuʻunu ai ke ofi ki he ʻOtuá.

20 Pea koeʻuhí naʻe ʻikai ha fakapapau ʻi he taulaʻeiki lahi ko ení, naʻe hoko ai ʻa Sīsū ko ha fakapapau ʻo ha fakamoʻoni lelei ange.

21 (He naʻe fokotuʻu ʻa e kau taulaʻeiki ko iá taʻe ha fakapapau; ka ka ko ʻeni ʻokú ne fai mo ha fakapapau ʻo ne pehē kiate ia, Naʻe palōmesi ʻa e ʻEikí pea he ʻikai fakameʻapangoʻia, Ko e taulaʻeiki koe ʻo taʻengata ʻi he lakanga ʻo Melekisētekí;)

25 Pea ko e taulaʻeiki lahi ko iá naʻe taau mo kitautolu, ʻa ia ʻoku māʻoniʻoni, ʻikai haʻane kovi, pea ʻikai ʻuli, pea mavahe mei he kau angahalá, pea fokotuʻu ko e pule ki he ngaahi langí.

26 Pea naʻe ʻikai hangē ko e kau taulaʻeiki lahi ko ia naʻa nau ʻohake ʻa e feilaulaú ʻi he ʻaho taki tahá, ʻuluaki ki heʻenau ngaahi angahala ʻanautolú, pea toki fai ki he ngaahi angahala ʻa e kakaí, he naʻe ʻikai ʻaonga ke ne fai ha feilaulau koeʻuhi ko ʻene ngaahi angahala ʻaʻaná, he naʻe ʻikai te ne ʻilo ha angahala; ka koeʻuhi ko e ngaahi angahala ʻa e kakaí. Pea naʻá ne fai ʻeni ʻo tuʻo taha, ʻi heʻene feilaulau ʻaki iá.