JS—Ukok, Aiseia 29:1–8. Keidi Aiseia 29:1–8
Enaan ko kwaļo̧k naan kaki ilo Jerusalem jān rikanaan ro etto renaaj ilo raan ko āliktata kwaļo̧k naan kaki jān Bok in Mormon, eo me e kar “jebartok jān bwidej.”
1 Wo n̄an Ariel, n̄an Ariel, jikin kwelo̧k eo Devid ej jokwe ie! Kwō kobaik iiō n̄an iiō; kōtļo̧k aer m̧ani katok ko.
2 Eban kijer in bōjrak Aō kaliāājloļ Ariel, im enaaj wōr eddo im biromōj; bwe āindein Irooj ej ba n̄an eō, E naaj āinwōt n̄an Ariel;
3 Bwe N̄a Irooj inaaj kamp ņae lio ipeļaakin ijen im ijen, im naaj kōbpao ņae lio kōn juon bat, im I naaj kajutak me ko ņae e.
4 Im lio naaj bōklaļļo̧k, im enaaj konono tok jān bwidej, im an konono enaaj ettā tok jān bwin̄aln̄al; im ainikien lio enaaj āinwōt juon eo ewōr an jetōb raņ, tok jān bwidej, im an ekonono enaaj unoojdikdik jān bwin̄aln̄al.
5 Eļapļo̧k jarlepiju in ruwam̧aejet ro an renaaj āinwōt bwin̄aln̄al jiddik, im jarlepiju in ro rekaamijak renaaj āinwōt kilin wūt uukiļo̧k; aaet, enaaj āinwōt ilo tōrean eiinitōt.
6 Bwe er naaj loļo̧k jān Irooj in inelep eo kōn jourur, im kōn makūtkūt in laļ, im ainikien eļap, kōn kōto im ļan̄, im urur in kijeek in ko̧kkure.
7 Im jarlepiju in aolep laļ ko rej tariņae ņae Ariel, em̧ool aolep ro rej tariņae ņae lio im m̧weo epen an lio, im ro rej kaliaajloļ lio, naaj āinwōt ettōņak eo ilo visōn in bon̄.
8 Aaet, e naaj āindein n̄an er āinwōt n̄an juon armej ekwo̧le eo ej ettōņak, im lo, ej mōn̄ā, ak ej ruj im ej jab polel buruōn; ak āinwōt juon armej e maro eo ej ettōņak, im lo, ej idaak, a ej ruj, im lo, e ej parōk, im an ej wōr an būro kōrkōr. Aaet, em̧ool āindein naaj jarlepiju in aolep laļ ko rej tariņae ņae toļ Zaion.