JS—Ukok, Jemes 2:1. Keidi Jemes 2:1
Ro uwaan ren jab watōke juon armej eutiejļo̧k jān bar juon.
1 Ro jeiū im jatū, ejjab maron̄ wōr ami tōmak ilo ad Irooj Jisōs Kraist, Irooj in aiboojoj, im kom̧ ij wōt kalijekļo̧k n̄an armej raņ.
JS—Ukok, Jemes 2:14–21. Keidi Jemes 2:14–22
Tōmak ippān ejjeļo̧k jerbal ko ej mej im jamin maron̄ lo̧mo̧o̧ren.
14 Ta tokjān men in, ro jeiū im jatū, bwe juon armej en ba ewōr an tōmak, im ejjeļo̧k jerbal ko? tōmak emaron̄ ke lōmo̧o̧ren e?
15 Aaet, juon armej emaron̄ ba, inaaj kwaļo̧k n̄an eok ewōr aō tōmak ippān ejjeļo̧k jerbal ko; a ij ba, Kwaļo̧k n̄an eō am̧ tōmak ippān ejjeļo̧k jerbal ko, im inaaj kwaļo̧k n̄an eok aō tōmak jān jerbal ko aō.
16 Bwe elan̄n̄e juōn jeiūm̧ im jatūm̧ em̧m̧aan ak kōrā ej kelwaan im jojoļāār, im juon iaam̧i e ba, Kwōn ilo̧k ilo aenōm̧m̧an, im kwōn māānān im mat; mekarta eaar jab leļo̧k men ko me aikuji n̄an ānbwin; ta tokjān tōmak eo am̧ n̄an in?
17 Em̧ool āindein tōmak, elan̄n̄e ejjeļo̧k ippān jerbal ko e mej, kōnke e make.
18 Kōn menin kwōn jeļā ke, O armej pata, bwe tōmak ippān ejjeļo̧k jerbal ko e mej im ban lo̧mo̧o̧ren eok?
19 Kwōj tōmake ewōr juōn Anij; em̧m̧an am̧ kōm̧m̧an; tim̧o̧ņ raņ rej barāinwōt tōmak, im wūdiddid; kwaar kōm̧m̧an bwe kwōn āinwōt er, rej jab wānōk.
20 Ebream jemād e kar jab wānōk jān jerbal ko an ke, ke eaar katok kōn Aisak ļeo nejin ioon lokatok eo?
21 Kwōj lo ke ekōjkan an jerbal ko makūtkūt ippān an tōmak, im jān jerbal ko tōmak ar weeppān?