9 Be hem we i talem long fes blong ol man se hem i no man blong mi, bambae mi tu, mi talemaot long fes blong ol enjel se hem i no man blong mi.

10 Nao, ol disaepol blong hem oli bin save se hem i talem hemia from se oli bin toktok nogud agensem hem long fes blong ol pipol; from se oli bin fraet blong talemaot se oli ol man blong hem long fes blong ol man.

11 Mo oli bin toktok bitwin olgeta, oli talem se: “Hem i save hat blong yumi, mo hem i toktok blong panisim yumi, mo bambae hem i no save fogivim yumi.” Be Lod i ansa long olgeta, mo talem long olgeta se:

12 “Huia bae i talem wan toktok agensem Pikinini blong man, mo i sakem sin from, bambae mi fogivim hem; be hem we i stap toktok agensem Tabu Spirit, bambae mi no save fogivim hem samtaem.”

41 From luk, bae hem i stap kam long fas haf blong naet, mo bambae hem i stap kam tu long seken haf blong naet, mo bakegen, bambae hem i stap kam long nambatri haf blong naet.

42 Mo i tru, mi talem long yufala se Hem i kam finis, olsem we oli bin raetem long saed blong hem; mo bakegen, taem bambae hem i stap kam long seken haf blong naet, o i stap kam long nambatri haf blong naet, ol wokman blong hem ia we hem i faenem se oli stap rere long taem ia, bae oli kasem blesing long taem we bae hem i kam;

43 From Masta blong ol wokman ia bae i putum klos blong wok, mo bae i mekem olgeta oli sidaon blong kakae, mo bambae hem i kam mo givim kakae long olgeta.

44 Mo naoia, i tru mi talem olgeta samting ia long yufala blong yufala i mas save hemia: se taem ia we Lod i kam i semmak olsem wan stilman i kam long naet.

45 Mo hem i olsem wan man we i gat wan haos, we, sapos i no lukaotgud long ol samting blong hem, bae stilman i kam long wan taem we man ia i no save, mo i tekem ol samting blong hem, mo i serem ol samting ia wetem ol fren blong hem.

46 Mo ol disaepol oli talem long wanwan long olgeta: “Sapos gudfala man blong haos ia i bin save wanem taem bae stilman i kam, bae hem i lukaotgud, mo bae i no letem blong stilman i kam insaed long haos blong hem mo i stilim ol samting blong hem.”

47 Mo Jisas i talem long olgeta: “I tru, mi talem long yufala. Yufala tu, yufala i mas rere; from Pikinini blong man i kam long wan aoa we yufala i no tingting long hem.”

48 Nao Pita i talem long hem se: “Lod. ?Yu yu stap talem parabol ia i kam long mifala nomo, o long mifala evriwan?”

49 Mo Lod i talem se: “Mi toktok long olgeta we Lod bambae i mekem olgeta oli rul ova long haos blong hem, blong oli mas givim, long ol pikinini blong hem, kaekae ia we i blong olgeta long stret taem blong hem.”

50 Mo oli talem: “?Hu nao i wokman ia we i fetful mo i waes?”

51 Mo Lod i talem long olgeta: “Hem i wokman ia we i stap lukaot mo rere gud, blong givim haf kaekae blong hem long stret taem.

52 Mi blesem wokman ia we Masta blong hem bae i faenem hem i stap lukaot mo rere gud long taem we hem i kam.

53 Mi talem wan trutok long yufala, se bambae Lod i mekem hem i kam wan man blong rul ova long evri samting we hem i gat.

54 Be nogud wokman ia i wokman ia we Masta i faenem hem se hem i no stap lukaot mo rere gud. Mo sapos wokman ia i no lukaot mo rere gud, bae i talem long hat blong hem: ‘Masta blong mi i tektaem blong kam; mo bae i stat blong kilim ol man mo woman blong wok, mo bae i go kakae, mo dring, mo i stap drong.’

55 Mo Masta blong wokman ia bae i kam long wan dei we wokman ia i no ting long hem, mo long wan aoa we hem i no save long hem; mo bae i katemaot hem, mo bae i givim hem panismen we i semmak long ol man we oli no biliv.

56 Mo wokman ia we i bin save tingting blong Masta blong hem, mo i no bin rere from taem bae Masta blong hem i kam, mo i no stap mekem samting i folem tingting blong hem, bae oli wipim hem plante taem.

57 Be hem we i no bin save tingting blong Masta blong hem, mo i bin mekem ol samting we i nid blong oli wipim hem, bae oli wipim hem smol nomo. From we, long hem we Lod i givim plante, nao Lod i askem plante long hem; mo long hem we Lod i putum plante samting long han blong hem, bae ol man bambae oli askem plante samting moa long hem.”