JST, Luk 17:21. Komperem long Luk 17:20–21
Kingdom blong God i kam finis.
21 Mo i no gat man i save talem: ‘!Luk, i stap long ples ia! o !Luk, i stap longwe!’ From se luk, kingdom blong God i kam finis long yufala.
JST, Luk 17:36–40. Komperem long Luk 17:37
Jisas i talem parabol blong ol igel blong eksplenem kam tugeta blong olgeta Sent blong Hem oli kam wanples long ol las dei.
36 Mo oli bin ansa long hem, mo talem long hem: “Masta. ?Bae oli tekem olgeta i go wea?”
37 Mo Jisas i talem long olgeta se: “Long eni ples we bodi i kam wanples long hem; o, long narafala toktok, long eni ples we ol sent oli kam wanples long hem, long ples ia we ol igel oli kam wanples tugeta; o long weaples haf blong ol pipol we oli stap oli kam wanples tugeta long hem.”
38 Hemia, hem i talem blong tokbaot we ol sent blong hem oli kam wanples tugeta; mo tokbaot ol enjel we oli aot long heven oli kamdaon mo oli karem haf pipol we oli stap oli kam wanples wetem olgeta; hemia we i stap long bed, mo narafalawan we i stap granem sid, mo narafalawan we i stap long garen, i go long eni ples we hem i wantem.
39 From i tru, bambae i gat ol niufala heven, mo wan niufala wol, we fasin blong stret mo gud fasin i stap long hem.
40 Mo bambae i no gat wan samting we i no klin long hem; from se wol i kam olfala, semmak olsem wan klos, mo i kam fulap long ol roten samting; nao from hemia, hem i go lus, mo ples we hem i putum leg antap long hem i stap tabu nomo, i kam klin long evri sin.