10 Ug si Jesus mitubag ug miingon ngadto kanila, si Elias sa pagkamatuod una nga moabut, ug ipahiuli ang tanan nga mga butang, ingon nga ang mga propeta nagsulat.

11 Ug usab Ako moingon nganha kaninyo nga si Elias miabut na, kalabut kang kinsa kini gisulat, Tan-awa, Ako mopadala sa akong sulugoon, ug siya moandam sa akong agianan. Ug sila wala makaila kaniya, ug mibuhat ngadto kaniya, bisan unsa ang ilang buot buhaton.

12 Mao usab ang Anak sa Tawo mag-antus tungod kanila.

13 Apan Ako moingon nganha kaninyo, kinsa si Elias? Tan-awa, mao kini si Elias, kinsa Ako mipadala aron sa pag-andam sa akong agianan.

14 Unya ang mga tinun-an nakasabut nga siya naghisgot ngadto kanila mahitungod ni Juan Bautista, ug usab sa lain kinsa kinahanglan moabut ug mopahiuli sa tanan nga mga butang, ingon nga kini gisulat sa mga propeta.