24 Ug nahinabo nga si Jesus nagtubo uban sa iyang mga kaigsoonan, ug nag-anam ka lig-on, ug naghulat diha sa Ginoo alang sa higayon sa iyang pagpangalagad nga moabut.

25 Ug siya mialagad ubos sa iyang amahan, ug siya wala magsulti sama sa uban nga mga tawo, ni siya matudloan; kay siya wala magkinahanglan nga adunay tawo nga magtudlo kaniya.

26 Ug human sa daghan nga mga tuig, ang takna sa iyang pagpangalagad nagkaduol.

43 Ug si Jesus, nagtubag, miingon ngadto kaniya, Itugot nga ako pagabunyagan kanimo, kay sa ingon kini atong gikinahanglan aron sa pagtuman sa tanan nga pagkamatarung. Unya siya mitugot kaniya.

44 Ug si Juan nanaog ngadto sa tubig ug mibunyag kaniya.

45 Ug si Jesus sa diha nga siya gibunyagan, mikawas dayon gikan sa tubig; ug si Juan nakakita, ug sud-onga, ang mga langit giablihan ngadto kaniya, ug siya nakakita sa Espiritu sa Dios nga mikunsad ingon sa usa ka salampati ug naghayag diha ni Jesus.

46 Ug sud-onga, siya nakadungog og usa ka tingog gikan sa langit, nag-ingon, Kini mao ang akong hinigugma nga Anak, kang kinsa Ako nahimuot kaayo. Paminaw kamo kaniya.