33 Kay siya nga dili motuo ni Juan kalabut kanako, dili motuo kanako, gawas kon siya maghinulsol una.

47 Ug sa diha nga ang mga halangdon nga mga pari ug ang mga Pariseo nakadungog sa iyang mga sambingay, sila nakasabut nga siya naghisgot kanila.

48 Ug sila miingon sa ilang mga kaugalingon, Kini nga tawo nagtuo ba nga siya ra gayud ang makaguba niining dako nga gingharian? Ug sila nasuko kaniya.

49 Apan sa diha nga sila mitinguha sa pagdapat sa ilang mga kamot nganha kaniya, sila nahadlok sa pundok sa mga katawhan, tungod kay sila nasayud nga ang pundok sa katawhan nagtan-aw kaniya nga usa ka propeta.

50 Ug karon ang iyang mga tinun-an miduol ngadto kaniya, ug si Jesus miingon ngadto kanila, Natingala ba kamo sa mga pulong sa sambingay nga Ako misulti ngadto kanila?

51 Sa pagkatinuod, Ako moingon nganha kaninyo, Ako mao ang bato, ug kadto nga mga dautan misalikway kanako.

52 Ako mao ang ulo sa tukuran. Kini nga mga Judeo mopapatay kanako, ug sila magkatibulaag.

53 Ug ang gingharian sa Dios pagakuhaon gikan kanila, ug ihatag ngadto sa usa ka nasud nga nagdala og mga bunga diha niana; (nagpasabut sa mga Hentil.)

54 Busa, ngadto kang kinsa kini nga bato mahulog, kini mogaling kaniya nga mahimo nga pulbos.

55 Ug sa panahon nga ang Ginoo sa ubasan moabut, siya molaglag niadto nga mga alaot, dautan nga mga tawo, ug motugyan pag-usab sa iyang ubasan ngadto sa uban nga tig-alima, bisan diha sa katapusan nga mga adlaw, kinsa mohatag kaniya sa mga bunga diha sa ilang mga panahon.

56 Ug unya sila nakasabut sa sambingay diin siya misulti ngadto kanila, nga ang mga Hentil kinahanglan pagalaglagon usab, sa panahon nga ang Ginoo manaog gikan sa langit sa paghari diha sa iyang ubasan, diin mao ang yuta ug ang mga lumulupyo diha niana.