10 Ket simmungbat ni Jesus ket imbagana kadakuada, Pudno nga umun-unanto nga umay ni Elias, ket isublina amin a banag, kas iti naisuraten dagiti propeta.

11 Ket kunak manen kadakayo nga immayen ni Elias, a maibatay iti naisuraten, Adtoy, ibaonko ti mensaherok, ket isaganana ti dalanko; ket dida nailasin, ket inaramidda kenkuana, ti ania man a kinayatda.

12 Kasta met nga agsagabanto ti Anak ti Tao kadakuada.

13 Ngem kunak kadakayo, Asino ni Elias? Adtoy, isu daytoy ni Elias, nga imbaonko a mangisagana iti dalanko.

14 Kalpasanna naawatan dagiti disipulo a ni Juan a Mammuniag ti ibagbagana kadakuada, ken ti sabali a nasken nga umayto a mangisubli kadagiti amin a banag, a kas naisuraten dagiti propeta.