PJS, Mateo 6:14 (idilig iti Mateo 6:13; agkaarngi ti nasukatan iti Lucas 11:4)
(Saannatayo nga iturong ti Apo iti sulisog.)
14 Ket dinakam yeg iti pannakasulisog, no di ket isalakannakami iti dakes.
PJS, Mateo 6:22 (kitaen ti Mateo 6:22)
(No naitalimudok dagiti matatayo iti gloria ti Dios, malapunos dagiti bagitayo iti lawag.)
22 Ti mata ti silaw ti bagi; no ngarud naitalimudok ti matam iti gloria ti Dios, malapunos ti bagim iti lawag.
PJS, Mateo 6:38 (idilig iti Mateo 6:33)
(Bangonentayo pay nga umuna ti pagarian ti Dios.)
38 Gapuna, diyo sapulen dagiti banag iti daytoy a lubong no di ket ikagumaanyo pay nga umuna a bangonen ti pagarian ti Dios, ken mangipasdek iti kinalintegna, ket amin dagitoy a banag mainayondanto kadakayo.