ປຈສ, ມັດທາຍ 4:1, 5–6, 8–9. ປຽບທຽບໃສ່ກັບ ມັດທາຍ 4:1, 5–6, 8–9; ມີການປ່ຽນແປງທີ່ຄ້າຍຄືກັນ ໃນ ລູກາ 4:2, 5–11
ພຣະເຢຊູຖືກນຳພາໂດຍພຣະວິນຍານ, ບໍ່ແມ່ນໂດຍຊາຕານ.
1 ຈາກນັ້ນ ພຣະວິນຍານໄດ້ນຳພຣະເຢຊູໄປ, ເຂົ້າໄປໃນຖິ່ນແຫ້ງແລ້ງກັນດານ, ເພື່ອໄປຢູ່ກັບພຣະເຈົ້າ.
5 ຈາກນັ້ນ ພຣະເຢຊູໄດ້ຖືກນຳໄປຍັງນະຄອນສັກສິດ, ແລະ ພຣະວິນຍານໄດ້ໃຫ້ພຣະອົງຢືນຢູ່ເທິງຍອດພຣະວິຫານ.
6 ຈາກນັ້ນ ມານໄດ້ມາຫາພຣະອົງ ແລະ ເວົ້າວ່າ, ຖ້າທ່ານເປັນພຣະບຸດຂອງພຣະເຈົ້າ, ຈົ່ງໂດດລົງໄປ, ເພາະມີຄຳຂຽນໄວ້ວ່າ ພຣະອົງຈະສັ່ງເຫລົ່າທູດເຖິງເລື່ອງທ່ານ, ແລະ ພວກເພິ່ນຈະໃຊ້ມືຂອງພວກເພິ່ນອູ້ມທ່ານໄວ້, ເຖິງແມ່ນແຕ່ຕີນຂອງທ່ານ ກໍຈະບໍ່ໄດ້ຖືກກ້ອນຫີນ.
8 ແລະ ອີກເທື່ອໜຶ່ງ, ພຣະເຢຊູໄດ້ຖືກນຳໄປໂດຍພຣະວິນຍານ, ແລະ ພຣະວິນຍານໄດ້ພາພຣະອົງຂຶ້ນໄປເທິງຍອດພູທີ່ສູງສຸດແຫ່ງໜຶ່ງ, ແລະ ໄດ້ສະແດງບັນດາອານາຈັກແຫ່ງໂລກ ກັບຄວາມຍິ່ງໃຫຍ່ທັງໝົດ ໃຫ້ພຣະອົງເຫັນ.
9 ແລະ ມານໄດ້ມາຫາພຣະອົງອີກ, ແລະ ກ່າວວ່າ, ເຮົາຈະມອບສິ່ງທັງໝົດນີ້ໃຫ້ແກ່ທ່ານ, ຖ້າທ່ານກົ້ມຂາບນະມັດສະການເຮົາ.
ປຈສ, ມັດທາຍ 4:11. ປຽບທຽບໃສ່ກັບ ມັດທາຍ 4:11
ພຣະເຢຊູສົ່ງທູດໄປປະຕິບັດສາດສະໜາກິດແກ່ໂຢຮັນບັບຕິສະໂຕ.
11 ແລະ ບັດນີ້ ພຣະເຢຊູໄດ້ຮູ້ວ່າ ໂຢຮັນຖືກສົ່ງເຂົ້າຄຸກ, ແລະ ພຣະອົງໄດ້ສົ່ງທູດໄປ, ແລະ, ຈົ່ງເບິ່ງ, ພວກເພິ່ນໄດ້ໄປ ແລະ ປະຕິບັດສາດສະໜາກິດແກ່ລາວ.
ປຈສ, ມັດທາຍ 4:18. ປຽບທຽບໃສ່ກັບ ມັດທາຍ 4:19
ສາດສະດາໃນພຣະຄຳພີເດີມໄດ້ກ່າວເຖິງພຣະເຢຊູ.
18 ແລະ ພຣະອົງໄດ້ກ່າວກັບພວກເຂົາວ່າ ເຮົາຄືຜູ້ທີ່ສາດສະດາໄດ້ຂຽນເຖິງ; ຈົ່ງຕາມເຮົາມາ, ແລະ ເຮົາຈະເຮັດໃຫ້ພວກເຈົ້າເປັນຜູ້ຫາຄົນ.
ປຈສ, ມັດທາຍ 4:22. ປຽບທຽບໃສ່ກັບ ມັດທາຍ 4:23
ພຣະເຢຊູປິ່ນປົວຜູ້ຄົນໃນບັນດາຜູ້ທີ່ເຊື່ອໃນພຣະນາມຂອງພຣະອົງ.
22 ແລະ ພຣະເຢຊູໄດ້ເດີນທາງໄປທົ່ວແຂວງຄາລີເລ ສິດສອນຄົນໃນທຳມະສາລາ, ແລະ ສັ່ງສອງພຣະກິດຕິຄຸນເລື່ອງອານາຈັກ; ແລະ ປິ່ນປົວຄົນທີ່ເຈັບໄຂ້ໄດ້ປ່ວຍ ແລະ ພະຍາດໂລຄາທຸກຊະນິດ, ໃນບັນດາຜູ້ຄົນທີ່ໄດ້ເຊື່ອໃນພຣະນາມຂອງພຣະອົງ.