HJS, NgokukaMathewu 6:14. Qhathanisa noMathewu 6:13; ushintsho olufanayo lwenziwa nakuLuka 11:4
INkosi ayisiholeli ekulingweni.
14 Futhi ungasivumeli ukuba siholelwe ekulingweni, kodwa usikhulule kokubi.
HJS, NgokukaMathewu 6:22. Qhathanisa noMathewu 6:22
Uma amehlo ethu enamathele kudumo lukaNkulunkulu, imizimba yonke yethu iyogcwaliswa ngokukhanya.
22 Ukukhanya komzimba yihlo; ngakho-ke uma ihlo lakho linamathele kudumo lukaNkulunkulu, umzimba wakho wonke uyogcwala ukukhanya.
HJS, NgokukaMathewu 6:25–27. Qhathanisa noMathewu 6:25; 10:10
UJesu wexwayisa abafundi Bakhe ngobunzima bomsebenzi wabo kodwa uyabethembisa ukuthi uyoyilungisa indlela nokuthi uBaba oseZulwini uyobanika izidingo zabo.
25 Ngiyaphinda ngithi kini, Hambani niye emhlabeni, ningakhathazeki ngomhlaba; ngokuba umhlaba uzonizonda, futhi uzonihlupha, unixoshe emasinagogeni abo.
26 Nokho, niyohamba indlu nendlu, nifundisa abantu; Mina ngiyohamba phambi kwenu.
27 UYihlo osezulwini uyoninika izidingo zenu, noma yikuphi ukudla enikudingayo, enizokudla; nezingubo, enizokwembatha.
HJS, NgokukaMathewu 6:38. Qhathanisa noMathewu 6:33
Kufanele sifune kuqala ukwakha umbuso kaNkulunkulu.
38 Ngalokho-ke, ningazifuni izinto zalomhlaba kodwa funani kuqala ukwakha umbuso kaNkulunkulu, nokumisa ukulunga kwakhe, futhi zonke lezi zinto ziyokwengezwa kini.