HJS, Mateo 7:1–2 (itandi sa Mateo 7:1–2)
(Ayaw paghukom sa dili matarung nga paagi.)
1 Karon mao kini ang mga pulong nga gitudlo ni Jesus sa iyang mga tinun-an nga sila mosulti ngadto sa mga katawhan.
2 Ayaw paghukom sa dili matarung nga paagi, aron ikaw dili pagahukman; apan paghukom sa matarung nga paghukom.
HJS, Mateo 7:9–11 (itandi sa Mateo 7:6)
(Ayaw pakigbahin sa mga misteryo sa gingharian ngadto sa kalibutan.)
9 Lakaw kamo ngadto sa kalibutan, mag-ingon ngadto sa tanan, Paghinulsol, kay ang gingharian sa langit hapit na moabut nganha kaninyo.
10 Ug ang mga misteryo sa gingharian kamo motago diha sa inyong mga kaugalingon; kay dili angay nga ihatag niana nga balaan ngadto sa mga iro; ni kamo molabay sa inyong mga perlas ngadto sa mga baboy, basin pa unya sila motunob-tunob niini sa ilang mga tiil.
11 Kay ang kalibutan dili makadawat niana diin kamo, sa inyong mga kaugalingon, dili makahimo sa pagdaug; busa kamo dili mohatag sa inyong mga perlas ngadto kanila, basin pa unya og sila mosumbalik ug mowatas-watas kaninyo.