1 Ti Paltiing ni Juan, ti katulongan ti Dios, nga inted kenkuana ni Jesucristo, a mangipakita kadagiti katulonganna dagiti banag a dandanin mapasamak, nga impatulod ken impaawat ti anghelna iti katulonganna a ni Juan,

2 Isu a namaneknek iti balikas ti Dios, ken namaneknek ken ni Jesucristo, ken amin a banag a nakitana.

3 Nagasat dagiti agbasa, ken dagiti makangngeg ken makaawat kadagiti balikas iti daytoy a padto, ken mangtungpal kadagiti banag a naisurat dita, ta asidegen ti yaay ti Apo.

4 Ita daytoy ti pammaneknek ni Juan kadagiti pito a katulongan a mangidadaulo kadagiti pito a simbaan iti Asia. Maparaburankayo koma, ket kappia ti agtaud kenkuana nga isu ita, idi, ken iti masakbayan; a nangibaon iti anghelna manipud iti tronona, a mangipaneknek kadakuada a pito a katulongan a dadaulo kadagiti pito a simbaan.