LSS, Fakahā 2:22. Fakafehoanaki mo e Fakahā 2:22
ʻOku lī ʻa e kau fai angahalá ki heli.
22 Vakai te u lī ia ki heli, pea mo kinautolu ʻoku tonó, fakataha mo ia ki he fuʻu mamahi lahi, ʻo kapau ʻe ʻikai te nau fakatomala mei heʻenau ngaahi ngāué.
LSS, Fakahā 2:26–27. Fakafehoanaki mo e Fakahā 2:26–27
Ko kinautolu ʻoku nau ikunaʻi e māmaní ʻaki e talangofua ki he ngaahi fekau ʻa Kalaisí, te nau pule ʻi he puleʻanga ʻo e maama ka hoko maí ʻi he tui, taʻe-filifilimānako, mo e fakamaau totonu.
26 Pea kiate ia ʻokú ne ikunaʻí, mo tauhi ʻeku ngaahi fekaú ki he ngataʻangá, te u foaki ki ai ʻa e mālohi ki he ngaahi puleʻanga lahi;
27 Pea te ne puleʻi ʻa kinautolu ʻaki e folofola ʻa e ʻOtuá; pea te nau ʻi hono toʻukupú ko e ngaahi ipu ʻumea ʻi he nima ʻo ha tufunga ngaohi ipu; pea te ne puleʻi kinautolu ʻi he tui, mo e taʻe-filifilimānako mo e fakamaau totonu, ʻo hangē ko ia kuó u maʻu mei heʻeku Tamaí.