5 Bwe ke jaar pād ilo kanniōk, jurjurmelea ko an jero̧wiwi, ko rekar jab ekkar n̄an kien eo, rekar jerbal ilo ro raad n̄an kōjebar leen ko n̄an mej.

6 A kiiō em̧ōj kōtļo̧k kōj jān kien eo im ekar dāpij kōj, kōnke jej mej n̄an kien eo, bwe jen jerbal ilo kāāl in jetōb, im jab ilo m̧or in lōta in kien eo.

7 Innām ta jenaaj ba? Kien eo ejero̧wiwi ke? Ej jab meļeļe eo in. Jaab, Ikar jab jeļā kōn jero̧wiwi, ak jān kien eo; bwe iaar jab jeļā mejkaiie, ijello̧kun wōt kien eo eaar ba, Kwōn jab ankoņak.

8 A jero̧wiwi, ilo an bōk iien jān kien eo, ar jerbale ilo n̄a aolep ikdeelel ekkan̄ otemjeļo̧k. Bwe n̄e ejako kien eo jero̧wiwi e mej.

9 Bwe juon iien iaar mour im jab bōd ņae kien eo, a ke kien eo an Kraist eaar itok, jero̧wiwi ekar mour, im iaar mej.

10 Im ke iaar jab tōmak kien eo an Kraist me ekar itok, eo kar kajutake n̄an letok mour, iaar lo bwe e kar liaakeļo̧k eō n̄an mej.

11 Bwe jero̧wiwi, ilo an bōk iien eo ekkar, ar kaarmejjete kien eo, im kar m̧oņe eō; im jān e kar m̧ane eō.

12 Ijoke, iaar lo bwe kien eo ekwōjarjar, im naan in jiron̄ eo bwe ekwōjarjar, im jim̧we, im em̧m̧an.

13 Innām ta men eo me em̧m̧an ekar kōm̧m̧an mej n̄an eō ke? Ej jab meļeļe eo in. A jero̧wiwi, bwe en maron̄ waļo̧k āinwōt jero̧wiwi jān men eo me em̧m̧an ej jerbale mej ilo n̄a; bwe jero̧wiwi, jān kien eo, en maron̄ erom jero̧wiwi otem jero̧wiwi.

14 Bwe jejeļā bwe kien eo ej an jetōb; a ke iaar pād ium̧win kien eo, iaar pād ilo nememen kanniōk wōt, kar wiakake ium̧win jero̧wiwi.

15 A kiiō ij obrak kōn jetōb; bwe men eo me kar jiron̄ eō bwe in kōm̧m̧ane, ij kōm̧m̧ane; im men eo me jiron̄ eō n̄an jab kōtļo̧k, ij jab kōtļo̧k.

16 Bwe ta ijeļā ej jab jim̧we, ij jamin kōm̧m̧ane; bwe men eo me ej jero̧wiwi, i dike.

17 Innām eļan̄n̄e ij jab kōm̧m̧ane men eo me iban kar kōtļo̧k, ij eo̧ron̄ kien eo, men in em̧m̧an; im jamin liaakeļo̧k eō.

18 Innām kiiō, ej jab ļapļo̧k bwe in kōm̧m̧an jero̧wiwi; a ij kappukot n̄an jipedlaļļo̧k jero̧wiwi eo me ej jokwe ilo n̄a.

19 Bwe ijeļā bwe ilo n̄a, ej en̄in, ilo kanniōkū, ej jokwe ejjeļo̧k men em̧m̧an; bwe n̄an kōņaan ej pād ilo n̄a, a n̄an kōm̧m̧ane men eo em̧m̧an ij jab loe, ilo wōt Kraist.

20 Bwe men eo em̧m̧an in kar kōm̧m̧ane ke iaar pād ium̧win kien eo, ij lo ke ej jab em̧m̧an; kōn menin, ij jab kōm̧m̧ane.

21 A nana eo me in kar jab kōm̧m̧ane ium̧win kien eo, ij lo ke em̧m̧an; men en, ij kōm̧m̧ane.

22 Kiiō eļan̄n̄e ij kōm̧m̧ane men en, kōn jipan̄ eo an Kraist, iban kōm̧m̧ane ium̧win kien eo, ij jab pād ium̧win kien eo; im ejjeļo̧k aō kappukot n̄an kōm̧m̧an bōd, a n̄an jipedlaļļo̧k jero̧wiwi eo ej jokwe ilo n̄a.

23 Innām ij loe bwe ium̧win kien eo, bwe ke iaar kōm̧m̧an em̧m̧an nana ekar pād ippa; bwe ij lan̄lōn̄ ilo kien Anij ilo̧kan armej eo ilowaō.

24 Im kiiō ij lo bar juon kien, em̧ool kien eo an Kraist, im em̧ōj kakinejneje ilo aō ļōmņak.

25 A ra ko raō rej tariņae ņae kien aō koļmānļo̧kijeņ, im bōktok eō ilo kōm̧akoko n̄an kien jero̧wiwi eo ej ilo ra ko raō.

26 Im eļan̄n̄e ij jab jipedlaļļo̧k jero̧wiwi eo ej pād ilo n̄a, a kōn kanniōk jerbal n̄an kien jero̧wiwi; O n̄a armej in en̄taan! wōn enaaj lo̧mo̧o̧ren eō jān ānbwinnin mej in?

27 Ij kam̧m̧oolol Anij kōn Jisōs Kraist ad Irooj, innām, bwe āinwōt ippān ļōmņak n̄a make ij jerbal n̄an kien Anij.