¶ 1 KO au koe tagata kuo mamata ki he mamahi i he mea ta a hono houhau.

2 Kuo ne tataki au mo omi au ki he bouli kae ikai ki he māma.

3 Koe mooni kuo ne liliu kiate au, oku ne liliu hono nima kiate au i he aho kotoa.

4 Ko hoku kili mo hoku kakano kuo ne gaohi ke motua; kuo ne feji‘i hoku gaahi hui.

5 Kuo ne laga‘i mea kiate au, bea kuo ne takatakai au aki ae kona moe mamahi.

6 Kuo ne fokotuu au i he gaahi botu fakabouli, o hage ko kinautolu nae bekia i mua.

7 Kuo ne a‘i takatakai au bea oku ikai teu faa hao kitua: kuo ne fakamamafa a eku ha‘i ukamea.

8 O kau ka tagi foki mo kalaga, oku ne taetokaga‘i eku kole.

9 Kuo ne a‘i hoku gaahi hala aki ae gaahi maka kuo ta, kuo ne fakabiko‘i hoku gaahi hala.

10 Naa ne hage ha beaa oku toitoi kiate au, bea hage ha laione i he gaahi botu lilo.

11 Kuo ne mimio‘i hoku gaahi aluaga, bea kuo ne haehae au fakaikiiki: kuo ne gaohi au ke lala be.

12 Kuo ne teke a ene kaufana bea kuo ne fokotuu au koe fakailoga ki he gahau.

13 Kuo ne bule ki he gaahi gahau o ene tagai ke aji ki hoku gaahi koga loto.

14 Koe manukiaga au ki hoku kakai; bea koe nau taaga i he aho kotoabe.

15 Kuo ne fakafonu au aki ae kona, kuo ne fakakona‘i au aki ae kona i‘i.

16 Kuo ne feji‘i foki hoku kau nifo aki ae kilikili, kuo ne bani au aki ae efu.

17 Bea kuo ke hiki hoku laumalie ke mamao mei he melino: nae galo iate au ae monuia.

18 Bea neu behe, ko eku malohi mo eku amanaki kuo auha mei a Jihova;

19 I he eku manatu ki hoku mahaki bea mo eku mamahi, ae kona bea moe ahu.

20 Oku kei manatu ki ai hoku laumalie, bea oku agavaivai ia iate au.

21 Koia oku ou fakamanatu ki hoku loto, bea koia oku ou kei ma‘u ai ae amanaki.

¶ 22 Koe mea i he aloofa a Jihova oku ikai te tau auha, koeuhi oku ikai ke gata ene manavaofa.

23 Oku foou ia i he bogibogi kotoabe, oku lahi hoo agatonu.

24 Oku behe e hoku laumalie, Ko hoku tofia a Jihova: koia teu amanaki lelei iate ia.

25 Oku lelei a Jihova kiate kinautolu oku tatali kiate ia, ki he laumalie oku kumi kiate ia.

26 Oku lelei ki he tagata ke ne amanaki, bea ne tatali fakatatoka foki ki he fakamoui mei a Jihova.

27 Oku lelei ki he tagata ke ne fua ae haamo i he ene kei talavou.

28 Oku ne nofo toko taha be, bea oku logobe, koeuhi kuo ne fua ia eia be.

29 Oku ne ai hono gutu i he efu, koe mea naa oku kei ai ha amanaki.

30 Oku ne tuku hono kouahe kiate ia oku ne ta‘i ia: oku ne bito aubito i he lau‘i kovi.

31 He koeuhi e ikai liaki ke lauikuoga e Jihova:

32 He kabau te ne fakamamahi, ka te ne manavaofa foki o fakatatau ki hono lahi o ene gaahi aloofa.

33 He oku ikai te ne fie tautea, be fakamamahi ae fānau ae tagata.

34 Ke laiki i hono lalo va‘e ae gaahi bobula kotoabe o mamani,

35 Ke fakaafe ae totonu oe tagata i he ao oe fofoga oe Fugani Maonioni,

36 Ke kākā‘i ae tagata i hono fakamau‘i oku ikai lelei ai a Jihova.

¶ 37 Kohai ia oku fakaha, bea oku hoko ia, o kabau oku ikai ke fekau e Jihova?

38 Oku ikai ke alu mei he fofoga oe Fugani Maoluga ae lelei moe kovi.

39 Koeha oku lāuga ai ae tagata moui, ae tagata koeuhi koe tautea o ene gaahi agahala?

40 Ke tau kumi mo ahiahi‘i ho tau gaahi aluaga bea toe tafoki kia Jihova.

41 Ke tau hiki hake ho tau loto mo ho tau nima ki he Otua i he gaahi lagi.

42 Kuo mau fai talagataa, bea kuo mau agatuu: oku heeki ai te ke fakamolemole.

43 Kuo ke uufi aki ae houhau, bea fakataga‘i akimautolu: kuo ke tamate‘i bea nae ikai te ke manavaofa.

44 Kuo ke ufiufi koe aki ae ao, ke oua naa aji atu ae mau kole.

45 Kuo ke gaohi akimautolu koe efe moe otoota i he lotolotoga oe kakai.

46 Kuo mafaa ae gutu a ho mau kau fili kotoabe kiate kimautolu.

47 Kuo hoko mai ae manavahe moe tauhele kiate kimautolu, ae lala moe auha.

48 Oku tafe hifo hoku mata, hage koe gaahi vaitafe, koeuhi koe auha ae ofefine o hoku kakai.

49 Oku tafe hifo a hoku mata, bea ikai oji, oku ikai jii ke tuku.

50 Ke oua ke afio mai a Jihova bea vakai mei he lagi.

51 Ko hoku mata oku ne ue‘i hoku loto, koeuhi koe gaahi ofefine kotoabe o eku kolo.

52 Nae tuli fakamamahi au e hoku kau fili hage ha manu buna, tae haano uhiga.

53 Kuo nau motuhi eku moui i he fale fakabobula, bea kuo li ha maka kiate au.

54 Nae melemo hoku ulu i he gaahi vai; bea neu toki behe, Kuo motuhi au.

¶ 55 E Jihova neu ui ki ho huafa mei he fale fakabobula tau mamao.

56 Kuo ke fanogo ki hoku le‘o; Oua naa ke fufu ho fofoga ki he eku mānava, ki he eku tagi.

57 Naa ke unuunu mai o ofi i he aho koia neu ui kiate koe: naa ke behe, Oua naa manavahe.

58 E Jihova kuo ke lagomaki‘i hoku laumalie; kuo ke huhui eku moui.

59 E Jihova kuo ke afio‘i ki he kovi kuo fai kiate au, fakamāu ekoe eku mea.

60 Kuo ke afio ki he e nau lili kotoabe, moe nau gaahi filioi kiate au.

61 E Eiki kuo ke fanogo ki he e nau taukae bea moe nau gaahi filioi kiate au;

62 Ae lougutu onautolu nae tuu hake kiate au, bea moe nau fakatubu mea kiate au i he aho kotoabe.

63 Vakai ki he e nau nofo hifo moe nau tuu hake; ko au koe nau taaga.

64 E Eiki ke ke tuku kiate kinautolu ha totogi, o fakatatau ki he gaue a ho nau nima.

65 Tuku kiate kinautolu ae mamahi oe loto, a hoo malaia kiate kinautolu.

66 Fakataga mo fakaauha akinautolu i he houhau mei he lalo lagi a Jihova.