¶ 1 E JIHOVA, ke ke manatu ki he mea kuo hoko kiate kimautolu: tokaga bea ke afio ki ho mau taukae.

2 Kuo liliu ho mau tofia ki he kau muli, a ho mau gaahi fale ki he auhe.

3 Koe kau fa‘e mate mo tamai mate akimautolu, koe mau gaahi fa‘e kuo hage kuo mate a ho nau gaahi unoho.

4 Kuo mau inu vai i he totogi baaga, koe mau fefie oku fakatau kiate kimautolu.

5 Oku maulalo a ho mau kia ki he fakataga: oku mau gaue bea oku ikai ha mālōlō.

6 Kuo mau fekuku nima moe kau Ijibite, bea moe kau Asilia, ke mau makona i he ma.

7 Nae fai agahala ae mau gaahi tamai, bea oku ikai, bea kuo mau fua e nau gaahi hia.

8 Kuo bule ae kau tamaioeiki kiate kimautolu, oku ikai ha niihi oku fakahaofi akimautolu mei ho nau nima.

9 Naa mau ma‘u mea kai i he tuutamaki oe mau moui, koeuhi koe heleta i he toafa.

10 Nae uliuli a ho mau kili o hage koe gotoumu, koe mea i he hoge fakamanavahe.

11 Naa nau tohotoho ae kau fefine i Saione, ae kau tāuboou i he gaahi kolo o Juta.

12 Oku tautau ae gaahi houeiki mei ho nau nima, nae ikai ke fakaabaaba‘i ae mata oe kau mātua.

13 Naa nau ave ae kau talavou ke momoji, bea nae to hifo ae tamaiki i he lalo akau.

14 Kuo oji ae kau mātua mei he mataba, ae kau talavou mei he faji hiva.

15 Kuo oji ae fiefia a ho mau loto kuo liliu ae mau mee koe mamahi.

16 Kuo to ae tatā fakatu‘i mei ho mau ulu. Oiaue akimautolu! he kuo mau fai agahala.

17 Koeuhi koe mea ni oku vaivai ho mau loto; koeuhi koe gaahi mea ni oku nenefu ho mau mata.

18 Koeuhi koe mouga o Saione, aia oku lala be, oku aeva ai ae faga fokisi.

19 E Jihova, oku ke afio‘i o taegata, ko ho afioaga oku mei he toutagata ki he toutagata.

20 Koeha oku ke fakagalo‘i akimautolu o taegata, bea mahui meiate kimautolu o fuoloa?

21 Fakatafoki‘i akimautolu kiate koe, E Jihova, bea te mau liliu mooni; fakafoou ho mau gaahi aho o hage koia i mua.

22 Ka kuo ke matuaki liaki akimautolu; oku ke houhau aubito kiate kimautolu.