¶ 1 HONO ikai kuo hoko o nenefu ae koula! hono ikai liliu ae fugani koula! ae gaahi maka oe botu tabu kuo liligi i he mua hala kotoabe.

2 Ae gaahi foha mahuiga o Saione, aia oku tatau moe fugani koula, oku fefe ae lau akinautolu o hage koe gaahi ibu kelekele, ae gaue ae tufuga gaohi ibu!

3 Io, naa moe gaahi ika lalahi oe tahi oku nau atu ae huhu o nau fakahuhu ho nau uhiki: ka kuo hoko o taeofa ae ofefine o hoku kakai, o hage koe faga ositaleji i he toafa.

4 Koe elelo oe tamajii huhu oku biki ki hono oaoi gutu i he fieinu; oku kole ma e he tamaiki iki, bea oku ikai ke tofi e ha tagata kiate kinautolu.

5 Akinautolu nae faa kai lelei oku nau baea i he gaahi hala: akinautolu nae kofu kulokula i he e nau tubu hake, oku faufua ae tuuga otoota.

6 He oku lahi ae tautea ki he agahala ae ofefine o hoku kakai i he tautea oe agahala a Saione, aia nae fulihi o hage i ha kemo be taha bea nae ikai faa ala ae nima ki ai.

7 Nae maa lahi hake a hono houeiki i he uha hinehina, nau nau hinehina lahi i he hua huhu, ko ho nau jino nae kula lahi i he gaahi lubi, ko ho nau gigila nae hage koe safaia.

8 Oku uliuli ho nau mata i he maka fefie; oku ikai ke kei ilo‘i akinautolu i he gaahi hala: oku biki a ho nau kili ki ho nau gaahi hui, oku feufeu ia, kuo hoko ia o hage ha vaa akau.

9 Oku lelei akinautolu oku mate o tamate‘i aki ae heleta, iate kinautolu oku mate i he hoge; he oku fakaauau jino akinautolu ni, kuo tamate‘a i he e nau majiva i he gaahi fua oe goue.

10 Kuo ta‘o e he nima oe kau fefine agaofa e nau fānau anautolu: koe nau mea kai akinautolu i he fakaauha oe ofefine o hoku kakai.

11 Kuo fai e he Eiki a hono houhau; kuo ne huai hono houhau vela, bea kuo ne tutu ha afi i Saione, bea kuo fakaauha ai a hono gaahi tuuga.

12 Nae ikai ke meimei tui ae gaahi tu‘i moe gaahi kakai o mamani, e faa hu ae kau fili i he gaahi mataba o Jelusalema.

13 Koe mea i he agahala o ene kau balofita, bea moe gaahi hia o ene kau taulaeiki, aia kuo liligi ae toto oe kau maonioni i hono lotolotoga,

14 Koia kuo nau he o hage koe kau tagata kui i he gaahi hala, kuo nau fakauli‘i akinautolu aki ae toto, koia nae ikai faa ala ae kakai ki ho nau gaahi kofu.

15 Naa nau kalaga kiate kinautolu, Mou o; oku uli ia; alu be, alu be, oua naa ala: i he e nau hola, moe nau alu hehe, naa nau behe i he kakai hiteni, E ikai te nau kei nofo ai.

16 Kuo fakamavahevahe akinautolu e he houhau a Jihova; e ikai te ne kei tokaga‘i akinautolu: nae ikai te nau fakaabaaba‘i ae kau taulaeiki, nae ikai te nau tokoni ki he kau mātua.

17 Ka koeuhi ko kitautolu, nae vaivai ho tau mata koe mea i he e tau tokoni vaiga: i he e tau leo kuo tau leo ki ha buleaga, aia nae ikai ke faa lava ke fakamoui akitautolu.

18 Oku nau tuli i he e tau lakaaga, bea oku ikai te tau faa alu i he gaahi hala: oku ofi ho tau gataaga, kuo kakato ho tau gaahi aho; he kuo hoko ho tau gataaga.

19 Oku vee vave ho tau kau fakataga i he faga ikale oe lagi: naa nau tuli kitautolu i he gaahi mouga; naa nau malumu kiate kitautolu i he toafa.

20 Koe mānava a ho tau ava‘i ihu, koe bani o Jihova, nae moua i he e nau gaahi luo, aia naa tau behe ki ai, I he ene malu‘i te tau moui i he lotolotoga oe hiteni.

21 Ke ke fiefia mo nekeneka, e ofefine o Itomi, akoe oku nofo i he fonua ko Usa; e a‘u atu kiate koe foki ae ibu: he te ke kona koe, bea te ke fakatelefua koe.

22 Kuo kakato ae tautea a hoo hia, e ofefine o Saione; e ikai te ne toe ave koe ki he bobula: ka te ne aahi a hoo hia, e ofefine o Itomi, bea te ne fakailo hoo gaahi agahala.