Koe Tohi ae Balofita ko Nehumi

¶ 1 KOE tala mamafa ki Ninive. Koe tohi oe mea ha mai kia Nehumi, koe tagata Elikosi.

2 Oku fuaa ae Otua, bea oku totogi e Jihova; oku totogi e Jihova, bea oku houhau vela ia; e totogi e Jihova ki hono gaahi fili, bea oku ne fakatoe  ae houhau ma a hono gaahi fili.

3 Oku tuai a Jihova ki he houhau, mo lahi i he malohi, bea e ikai jii fakatonuhia‘i ae  agahala: oku ai ae haeleaga o Jihova i he ahiohio, bea i he afā, bea koe gaahi ao, koe efu ia o hono va‘e.

4 Oku ne valoki‘i ae tahi, bea oku ne fakamomoa‘i ia, bea oku ne fakamatuu ae gaahi vaitafe kotoabe; oku mae a Besani, mo Kameli, moe kakala o Lebanoni oku mae.

5 Oku galulu ae gaahi mouga koeuhi ko ia, bea oku vai ae gaahi tafugofuga, bea oku vela a mamani i hono ao, io, a mamani mo kinautolu kotoabe oku nofo ai.

6 Kohai e faa tuu i he ao o hono houhau? bea kohai e tuu mau oka ne ka houhau vela? oku huai ene lili hage koe afi, bea oku ne li hifo ae gaahi maka lalahi.

7 Oku lelei a Jihova, koe hufaga malohi ia i he aho oe mamahi; bea oku ne ilo‘i akinautolu oku falala kiate ia.

8 Ka i he fuu malofa te ne fakaauha aubito a hono botu, bea e tuli e he bouli a hono gaahi fili.

9 Koeha oku mou filioi kia Jihova? te ne fakaauha aubito; e ikai toe tubu ae mamahi o liuga ua.

10 He lolotoga e nau febikitaki, o hage koe gaahi akau talatala, bea i he e nau kei kona, hage ha kau kona, e vela o oji akinautolu, o hage koe veve kuo momoa aubito.

11 Kuo tubu ha toko taha meiate koe oku filioi kovi kia Jihova, koe tagata ako kovi.

12 Oku behe e Jihova, ne ogo oku logo be mo toko lahi foki, e behe ae tuuji hifo akinautolu, oka ne ka laka atu. Ne ogo kuou fakamamahi‘i koe, e ikai teu toe fakamamahi‘i koe.

13 He koeni, teu maumau‘i a ene haamoga meiate koe, bea motuhi ho gaahi ha‘i.

14 Bea kuo tuku e Jihova ha fekau kiate koe, ke oua naa toe tūtū‘i ha niihi i ho higoa: mei he fale o ho gaahi otua, teu motuhi ae tamabua kuo togi, moe tamabua kuo haka: teu keli ho tanuaga, he oku ke kovi.

15 Vakai, i he gaahi mouga ae va‘e oia oku omi ae ogoogolelei, aia oku fakaha ae melino! E Juta, tauhi ki hoo gaahi katoaga mamafa, fai hoo gaahi fuakava: koeuhi e ikai kei laka iate koe ae agahala; kuo motuhi aubito ia.