¶ 1 BEA nae hoko o behe i he mahina ko Nisani, i hono uofulu ta‘u o Atakisekisi koe tu‘i, nae i hoku ao ae uaine: bea naaku too hake ae uaine o atu ia ki he tu‘i. Bea koeni nae heeki ai teu matabeko i hono ao.

2 Koia nae behe ai e he tu‘i kiate au, Koeha oku matabeko ai ho mata, ka oku ikai te ke mahaki? oku ikai koe mea kehe ia ka koe mamahi i loto. Bea neu manavahe lahi ai.

3 Bea naaku behe ki he tu‘i, Tuku ke moui ae tu‘i o taegata: e ikai teu mata tagi nai koeha, lolotoga kuo tuku liaki be ae kolo, koe botu oe gaahi tanuaga o eku gaahi tamai, bea ko hono gaahi mataba kuo tutu aki ae afi?

4 Bea behe ai e he tu‘i kiate au, Koeha ia oku ke kole? Koia naaku lotu ai ki he Otua oe lagi.

5 Bea neu behe ki he tu‘i, Kabau oku lelei ki he tu‘i, bea kabau kuo ilo e hoo tamaioeiki ae ofa i ho ao, ke ke fekau au ki Juta, ki he kolo oe gaahi tanuaga o eku gaahi tamai, koeuhi keu laga hake ia.

6 Bea nae behe e he tu‘i kiate au, (bea nae nofo ofi kiate ia ae tu‘i fefine foki,) Koeha hono fuoloa o ho fonoga? bea te ke toe ha‘u afe? Bea nae lelei ki he tu‘i ke ne fekau‘i au; bea neu kotofa kiate ia ae kuoga.

7 Bea neu behe foki ki he tu‘i, Kabau oku lelei ki he tu‘i, tuku ke omi kiate au ae gaahi tohi ki he gaahi bule i he botu kauvai e taha oe vaitafe, koeuhi ke nau moimoi‘i au o a‘u ki he eku hoko atu ki Juta;

8 Moe tohi e taha kia Asafi koe tauhi oe vao akau oe tu‘i koeuhi ke ne foaki kiate au ae gaahi akau ke gaohi aki ae akau lalava ki he gaahi mataba oe fale aia oku kau ki he fale tabu, bea ma ae a maka oe kolo, bea ma ae fale aia teu hu ki ai. Bea nae tuku mai e he tu‘i kiate au, o hage koe iate au ae nima lelei o hoku Otua.

¶ 9 Bea neu toki hoko atu ki he kau bule i he tua vaitafe, beau tuku kiate kinautolu ae gaahi tohi oe tu‘i. Bea nae fekau e he tu‘i ke alu mo au ae gaahi eiki oe tau moe kau tagata heka hose.

10 Bea i he fanogo ki ai e Sanibalate koe tagata Holoni, mo Tobaia koe tamaioeiki, koe tagata Amoni, nae mamahi lahi akinaua, koeuhi i he ha‘u ae tagata ke kumi ke lelei ai ae fānau a Isileli.

11 Koia, neu hoko ki Jelusalema, bea neu i ai i he aho e tolu.

¶ 12 Bea neu tuu hake i he bouli, moe kau tagata toko jii nae iate au; bea nae ikai teu tala ki ha toko taha aia nae tuku e hoku Otua ki hoku loto ke fai i Jelusalema: bea nae ikai ha manu iate au ka koia naaku heka ai.

13 Bea neu alu kituaa i he bouli i he mataba oe telea, o hagatonu moe vaikeli koe talakoni, bea ki he mataba fokotuuga veve, beau vakai ki he gaahi a maka o Jelusalema, aia nae holoki hifo, moe gaahi mataba aia nae fakaauha aki ae afi.

14 Bea naaku alu ai be ki he mataba oe matavai, bea ki he anovai oe tu‘i: bea nae ikai ha botu ke alu ai ae manu naaku heka ai.

15 Bea naaku alu hake ai i he bouli o ofi ki he vaitafe, o vakai ki he a maka, beau tafoki ki mui, bea hu i he mataba oe telea, bea toe foki atu ai.

16 Bea nae ikai ilo e he kau bule be naaku alu kife, be koia naaku fai; bea nae teeki teu tala ia ki he kakai Jiu, be ki he kau taulaeiki, be ki he houeiki, be ki he kau bule, be ki he toega  kakai nae fai ae gaue.

¶ 17 Bea neu behe ai kiate kinautolu, Oku mou mamata ki he mamahi oku tau moua ai, koeuhi kuo tutu liaki be a Jelusalema, bea kuo tuku hono gaahi mataba aki ae afi: ha‘u, ke tau laga hake ae a maka o Jelusalema, koeuhi ke oua naa tau kei hoko koe lumaaga.

18 Bea neu toki tala kiate kinautolu ae nima o hoku Otua aia nae hili lelei kiate au; bea moe gaahi lea ae tu‘i foki aia naa ne lea kiate au. Bea naa nau behe, Ke tau tuu hake bea laga. Koia naa nau fakamalohi‘i ho nau nima ki he gaue lelei ni.

19 Ka i he fanogo ki ai e Sanibalate koe tagata Holoni, mo Tobaia koe tamaioeiki, koe tagata Amoni, mo Kesemi koe tagata Alebea, naa nau kata manuki‘i akimautolu, bea luma‘i akimautolu, o behe, Koeha ae mea ni oku mou fai? oku mou loto ke agatuu ki he tu‘i?

20 Bea naaku talia akinautolu, beau behe kiate kinautolu, Koe Otua oe lagi, te ne fakamonuia akimautolu; koia ko kimautolu ko ene kau tamaioeiki te mau tuu hake o lagafv: ka oku ikai ha tofia, be ha botu, be ha fakailoga i Jelusalema ma amoutolu.